> 2011 mes’e totussantus 16 | ilMinuto

Archíviu de sa diri 16/11/2011

Sa mesa de sa Paxi atopat a sa família Urru

(IlMinuto) – Casteddu, 16 de su mesi de totussantus – “Espressai a sa família Urru sa solidariedadi de totus is paxiosus sardus”. Cun custus obietivu custu merì una delegatzioni de sa Mesa de sa Paxi at a atopai a is familiaris de Rossella Urru, s’agiudanti de Samugheo inghitada su 25 de su mesi de ledàminis passau in d-unu campu de disterraus sahawari, in Algeria. Sighi a ligi ‘Sa mesa de sa Paxi atopat a sa família Urru’

Isport: in Fonne is campionaus sardus de Muay Thai

(IlMinuto) – Casteddu, 16 de su mesi de totussantus – Funt 80 e prus is atletas iscritus a su campionau sardu de Muay Thai, sa boxe tailandesa, in programa domínigu chi benit, 20 de su mesi de totussantus, in Fonne. S’atopu est po is 10.00, in sa palestra comunali de sa bidda in provìntzia de Nùgoro. Sighi a ligi ‘Isport: in Fonne is campionaus sardus de Muay Thai’

Acuntéssia Bellomonte. Giua (Cobas Iscola): “Isciòpiru de su fàmini de solidariedadi fintzas a sa senténtzia”

(IlMinuto) – Casteddu, 16 de su mesi de totussantus – Is Cobas de s’iscola funt a su costau de Bruno Bellomonte. A pagus oras de sa dimanda de su pm de 10 annus e 7 mesis po su dirigenti de a Manca pro s’Indipendentzia cun s’acusa de ai pigau parti a sa presunta nàscida a nou de is Br, s’assembrea natzionali de su sindacau de basi, atopada su 12 e su 13 de su mesi de totussantus in Bologna, at difatis votau a cuncórdiu una motzioni po espressai solidariedadi a Bellomonte e sa cumpantza Caterina Tani. No est acabada innoi, Nicola Giua istóricu arrapresentanti de is Cobas Sardìnnia de oi cumentzat s’isciòpiru de su fàmini po mantenni bia s’atentzioni de sa genti asuba de s’acuntéssia. “De oi – scririt Giua – ap’a cumentzai comenti arrapresentanti de is Cobas un’isciòpiru de su fàmini de solidariedadi contra a sa presonia foras de contu e contra a su protzessu chi est patendi Bruno Bellomonte, impari a àterus imputaus, acusaus de ‘banda armada cun iscopus terroristicus’”. S’isciòpiru at a sighiri fintzas a sa senténtzia, prevìdia po cida chi benit. Sighi a ligi ‘Acuntéssia Bellomonte. Giua (Cobas Iscola): “Isciòpiru de su fàmini de solidariedadi fintzas a sa senténtzia”’

“Unu logu nou po is famílias de su campu de is zíngarus in sa 554″. Su Consillu comunali de Casteddu aprovat un’emendamentu Comissioni políticas sotzialis

(IlMinuto) – Casteddu, 16 de su mesi de totussantus – Agatai unu o prus logus aundi fai, cun s’agiudu de sa comunidadi rom, unu campu nou po is famílias chi a oi funt aghillias in su campu de sa 554. Est cantu previdit – intre is àteras cosas – un’emendamentu de sa Comissioni Políticas sotzialis a sa motzioni presentada de is consilleris Chessa (Udc) e Casu (PSd’Az). S’emendamentu est stétiu aprovau cun d-una majoria manna in Consillu comunali, cun 24 votus in faori, seti contra e un’astensioni. Sighi a ligi ‘“Unu logu nou po is famílias de su campu de is zíngarus in sa 554″. Su Consillu comunali de Casteddu aprovat un’emendamentu Comissioni políticas sotzialis’

Avenimentus: in sa Domu de su Pópulu de Bosa cursu de Teatru de s’Apetigau

(IlMinuto) – Casteddu, 16 de su mesi de totussantus – Sàbudu 26 de su mesi de totussantus a is 20.00, in is aposentus de sa Domu de su Pópulu de Bosa, Alfredo Meschi at a presentai su cursu de Teatru de s’Apetigau, unu caminu asuba de su métidu rivolutzionariu teatrali de su brasilianu Augusto Boal. Su Teatru de s’Apetigau – si ligit in d-una nota de imprenta – “Est unu métidu zustu po custu manentu istóricu malu meda”. Su cursu est po totus, féminas e óminis, maistus, ativistas, sindacalistas, menbrus de is tzentrus sotzialis, de is comitaus e assótzius de voluntariau. Sighi a ligi ‘Avenimentus: in sa Domu de su Pópulu de Bosa cursu de Teatru de s’Apetigau’