> 2011 mes’e totussantus 17 | ilMinuto

Archíviu de sa diri 17/11/2011

“Football” americanu: Crusaders Casteddu 0 – Seamen Milanu 64

(IlMinuto) – Casteddu, 17 de su mesi de totussantus – Àtera sderrota po is Crusaders Casteddu. Custa borta sa scuadra de “Football” americanu at pérdiu po 64 a zeru in sa gara contra a is Seamen de Milanu, chi s’est tenta domínigu passau in su campu Terramaini de Casteddu. Sighi a ligi ‘“Football” americanu: Crusaders Casteddu 0 – Seamen Milanu 64′

(Italiano) Trasporti via mare. Costa (Cgil): “Fallimento dei collegamenti Saremar”

Sighi a ligi ‘(Italiano) Trasporti via mare. Costa (Cgil): “Fallimento dei collegamenti Saremar”’

Turismu: in sa Fiera de Casteddu su primu “Workshop a Kmzero”

(IlMinuto) – Casteddu, 17 de su mesi de totussantus – Ponni in cuntatu is massajus e is produsidori de sa cosa de papai de su logu cun is albergus e is arristorantis de su territóriu, po portai in is mesas de is turistas is bonidadis de sa Sardìnnia. Est custu s’obietivu de su primu “Workshop a Kmzero” de sa Provìntzia de Casteddu, in programa po su 30 de su mesi de totussantus in su “foyer” de su “Palacongressi” de sa Fiera de Casteddu. “Is operadoris de s”agroalimentare’ – si ligit in su comunicau de sa Provìntzia asuba de “Workshop a KmZero” – ant a tenni duncas sa possibilidadi de impitai su própriu giassu po presentai atastus de is próprius prodotus e sa própriu azienda”. Sighi a ligi ‘Turismu: in sa Fiera de Casteddu su primu “Workshop a Kmzero”’

Acontéssia Bellomonte: sighit s’isciòpiru de su fàmini de solidariedadi primu de senténtzia. Aumentant is adesionis a su sit in

(IlMinuto) – Casteddu, 17 de su mesi de totussantus – Est arribau a sa segunda diri de s’isciòpiru de su fàmini Nicola Giua, istòricu arrapresentanti de is cobas Iscola Sardìnnia, in solidariedadi a Bruno Bellomonte e “contra a sa presonia bregungiosa e a su protzessu chi est patendi su militanti de a Manca pro s’Indipendentizia, impari a is àterus imputaus, a acusaus chentza de provas de ‘banda armada a iscopus terroristicus’. A s’atuamentu de lota, chi at a andai ainnantis fintzas a sa senténtzia prevìdia po is primus diris de cida chi benit, de oi participat puru Antonello Tiddia, Rsu Carbosulcis. “Cumbidaus a totus – si ligit in d-una nota – a cundividi custa atzioni puru cun s’adesioni individuali po diris scapuas de isciòpiru de su fàmini po fai intendi a Bruno e a is àterus totu sa solidariedadi nostra”. In su trastempus crescint is adesionis a su sit in aprontau de su Comitau Traballadoris pro Bellomonte po sàbudu 19 de su mesi de totussantus a is 10.00, a faci de su Tribunali de Casteddu. A sa cosa ant a pigai parti puru s’assótziu Zirichiltaggia. “Est intentzioni nostra – scririt Zirichiltaggia – espressai totu sa solidariedadi nostra a su dirigenti de a Manca pro s’Indipendentzia, de duus annus e mesu impresonau in manera ingiusta de su Stadu Italianu chenza de ddoi essi provas asuba de un’acàpiu suu cun formas de lota armada”.

Sa lista de is adesioni a su sit in, agiornau a is 8.00 de oi:
a Manca pro s’indipendentzia, Sardigna Natzione Indipendentzia, Sinistra Critica Sarda, Partito Comunista dei Lavoratori, Cobas Sardegna, Cagliari Social Forum, Antonello Tiddia – Rsu Carbosulcis, Claudia Zuncheddu – Indipendentistas, Collettivo Anticapitalista Sardo, Associazione Zirichiltaggia, Paris-Malu Entu, Usb, Rifondazione Comunista Sardegna, Rete 28 aprile Cgil, Comunisti-sinistra popolare, Comunisti uniti, Dante De Angelis (macchinista Trenitalia – Rls).

Po adesionis a s’isciòpiru de su fàmini scriri a: nicogiua@tiscali.it e a cobasardegna@gmail.com

Po adesionis a sa manifestada in solidariedadi a Bruno Bellomonte scriri a: antonio.tiddia@alice.it

Sighi a ligi ‘Acontéssia Bellomonte: sighit s’isciòpiru de su fàmini de solidariedadi primu de senténtzia. Aumentant is adesionis a su sit in’

Avenimentus: in Casteddu “Live Art – Festa d’Autunno”

(IlMinuto) – Casteddu, 17 de su mesi de totussantus – De su 27 de su mesi de totussantus su Tzentru de Arti e Cultura “Il Lazzaretto” at a aghilliri “Live Art – Festa d’Autunno”: sa primu Festa dedicada a s’arti aprontada de s’Assótziu Culturali Oneiros. “Live Art – Festa d’Autunno” est oberta a calisisiat forma de espressioni, de sa pintura a sa sculpidura, de sa fotografia a su ballu, de su cantu a sa música, de sa “street art” a su “make-up art”, de su “body painting” a sa “giocoleria”. Ddoi ant essi puru illustratzionis, fumetus e meda àteru. Sighi a ligi ‘Avenimentus: in Casteddu “Live Art – Festa d’Autunno”’