> 2011 mes’e totussantus 18 | ilMinuto

Archíviu de sa diri 18/11/2011

Acuntéssia Bellomonte: medas is adesionis a su sit in de cras in Casteddu. A sa terza diri s’isciòpiru de su fàmini de solidariedadi

(IlMinuto) – Casteddu, 18 de su mesi de totussantus – Crescit sa solidariedadi ingíriu a Bruno Bellomonte. A pugu diris de sa senténtzia, chi at essi pronutziada fortzis lúnis chi benit, si mortipricant is aztioni chi denuntziant sa persecuntzioni política contra a is comunistas e contra a s’indipendentismu chi, puru po sa redatzioni de “IlMinuto” est patendi su dirigenti de a Manca pro s’Indipendentzia. Lissentziau de Trenitalia e impresonau de tzitadinu innotzenti e chena de nisciuna cundenna de duus annus e mesu. Cras a mangianu in Casteddu, a faci de su Palatzu de Giustítzia in pratza Repúbrica, a cumentzai de is 10.00 s’at a tenni unu sit in aprontau de su Cumitau Pro Bellomonte, chi a oi at arriciu unu númeru mannu de adesionis de assótzius, movimentus, partidus políticus e tzitadinus. “Duus annus e cincu mesis de presonia (in d-unu presoni de màssima seguresa), primu de una calisisiat cundenna – pretzisat in d-una nota su Comitau – no est un’impresonamentu preventivu, est scéti unu trumentu mannu”. Ma su sit in de protesta no est s’única cosa chi s’est fadendi po tzerriai contra a custa acanarjadura. De mérculis 16 de su mesi de su mesi de totussantus Nicola Giua, istóricu arrapresentanti de is Cobas de s’Iscola, est in isciòpiru de su fàmini in solidariedadi a Bruno Bellomonte. Sighi a ligi ‘Acuntéssia Bellomonte: medas is adesionis a su sit in de cras in Casteddu. A sa terza diri s’isciòpiru de su fàmini de solidariedadi’

Sa vida in presoni: 24 oras de viàgiu Sardìnnia-Calabria-Sardìnnia po podi fueddai duas oras cun sa mama malàdia. Sdr: “Aplicai sa territorialidadi de sa pena”

(IlMinuto) – Casteddu, 18 de su mesi de totussantus – Cuàturu aéreus, unu trasferimentu in ambulàntzia e seti oras in aereoportu abetenti s’aéreu po podi torrai in su presoni de Casteddu. Est custa sa crònaca de su viàgiu chi unu presoneri calabresu inserrau in Buoncammino, malàdiu meda at fatu po podi chistionai scéti duas oras cun sa mama malàdia, chi bivit in d-una biddixedda a 80 chilómitrus de Regiu. Ddu denuntziat cun d-una nota Maria Grazia Caligaris, presidenti de s’Assótziu “Socialismo Diritti e Riforme”, fonti manna de novas asuba de is cunditzionis de vida in presoni. Sighi a ligi ‘Sa vida in presoni: 24 oras de viàgiu Sardìnnia-Calabria-Sardìnnia po podi fueddai duas oras cun sa mama malàdia. Sdr: “Aplicai sa territorialidadi de sa pena”’

Avenimentus: in Nùgoro “Il Coraggio e la Poesia” de Ignazio Figus

(IlMinuto) – Casteddu, 18 de su mesi de totussantus – S’at a tenni oi, a is 18.30, in is aposentus de s’auditorium de sa Boblioteca Sebastiano Satta, in pratza Asproni in Nùgoro sa presentada de su film documentàriu de Ignazio Figus “Il Coraggio e la Poesia – Voci della poesia logudorese”. A s’avenimentu ant a fueddai, s’autori, is poetas Giovanni Fiori e Giovanni Piga. Sighi a ligi ‘Avenimentus: in Nùgoro “Il Coraggio e la Poesia” de Ignazio Figus’