> 2011 mes’e totussantus 24 | ilMinuto

Archíviu de sa diri 24/11/2011

“Pichetu de su pópulu sardu”: 19 diris in s’arburada Trentu po pediri s’apricu de s’artículu 51

(IlMinuto) – Casteddu, 24 de su mesi de totussantus – Sighit i est lompiu a 19 diris su pichetu fissu de su pópulu sardu in Casteddu, in sa pratza a faci de sa sedi de sa Regioni in s’arburada Trentu. Unu pichetu chi – si ligit in d-una nota – “nascit po donai a totu su pópulu sardu sa possibilidadi de s’uniri e de tzerriai a boxi arta ca sa SARDÍNNIA NO EST TERRA DE CONCHISTA e po otèniri s’apricu de s’artículu 51 de su Statutu de sa Regioni Sardìnnia”. Sighi a ligi ‘“Pichetu de su pópulu sardu”: 19 diris in s’arburada Trentu po pediri s’apricu de s’artículu 51′

Galsi: in finantziaria 150 milionis po su metanodotu. S’eja de sa Provìntzia de Casteddu, is dúbius de su Prc

(IlMinuto) – Casteddu, 24 de su mesi de totussantus – Dinai liau po totu (o casi) ma no po su Galsi. In sa finantziaria, oi a s’esàminu de sa Comissioni Bilantzu de su Consillu, sa Giunta regionali at detzidiu de donai 150 millionis de eurs po agiudai a su cumprimentu de su metanodotu Algeria-Sardìnnia- Itàlia. Favoràbili a su metanodotu puru sa Provìntzia de Casteddu. In sa setziada de su 21 de su mesi de totussantus is consilleris provintzialis ant nau ca eja a su progetu e aici iat giai fatu sa Giunta provìntziali. Dúbius asuba de su cumprimentu de su Galsi lompint imbecis de sa segreteria regionali de su Prc, Laura Stochino, e de s’arresponsàbili regionali Ambienti, Nicola Culeddu. Sighi a ligi ‘Galsi: in finantziaria 150 milionis po su metanodotu. S’eja de sa Provìntzia de Casteddu, is dúbius de su Prc’

“Benitorrau Bruno!”. Sàbudu assembrea in Tàtari. Is comunicaus de ProgRes, Prc, “Sinistra Popolare” e Askapena

(IlMinuto) – Casteddu, 24 de su mesi de totussantus – Sa Sardìnnia est pronta a imbratzai a Bruno Bellomonte. Sàbudu a mangianu a is 10.00 ddoi at essi un’assembrea pública ananti de s’istatzioni ferruviaria de Tàtari, logu de traballu de su dirigenti de a Manca pro s’Indipendentzia. “Totus – si ligit in d-una nota fata connosci de aMpI – ant a tenni sa possibilidadi de pigai su fueddu, de donai sa solidariedadi a su dirigenti natzionali nostru e de chistionai impari a issu e impari a is dirigentis de A Manca pro s’Indipendentzia de comenti sighiri sa batalla contra a s’assétiu de su movimentu indipendentista e in difesa de sa demogratzia bera”. A pagus diris de sa senténtzia de assolutzioni pronuntziada de sa primu Corti de Assise de Roma sighint a arribai is comunicaus chi espressant prexu mannu po sa liberatzioni de assolutzioni de Bellomonte agoa de duus annus e mesu de presonia preventiva. Sighi a ligi ‘“Benitorrau Bruno!”. Sàbudu assembrea in Tàtari. Is comunicaus de ProgRes, Prc, “Sinistra Popolare” e Askapena’

Líburus: In Casteddu sa presentada de “Nella pancia, sulla schiena, tra le mani

(IlMinuto) – Casteddu, 24 de su mesi de totussantus – S’at a tenni oi, in su Cafei Savoia in pratza Savoia in Casteddu, sa presentada de su líburus “Nella pancia, sulla schiena, tra le mani”, scritu de Rossella Milone e bessiu po Laterza. “Sua carena nostra – si ligit in d-una de imprenta – est un’aposentu cómudu meda aundi dromiri, arrespirai, papai in santa paxi. E is logus segurus no ddoi ponint nudda a si tramudai in pedreras”. “Nella pancia, sulla schiena, tra le mani” at essi presentau de Nicola Muscas. Sighi a ligi ‘Líburus: In Casteddu sa presentada de “Nella pancia, sulla schiena, tra le mani’