> 2011 mes’e totussantus 25 | ilMinuto

Archíviu de sa diri 25/11/2011

Ecunumia: mércuis in Casteddu assembrea asuba de “signoraggio” bancàriu

(IlMinuto) – Casteddu, 25 de su mesi de totussantus – “Il signoraggio bancario e la sovranità monetaria: schiavi del sistema o normale ordine economico?”. At essi custu su tema de s’assembrea chi s’at a tenni su 30 de su mesi de totussantus in Casteddu (17.30, Saba Cosseddu de sa Domu de s’Istudianti). A s’atopu – aprontau de s’assótziu culturali “Il Paese delle Meraviglie” – at fueddai puru Marco Saba, diretori de su Csm, autori de líburus comenti “Bankenstein” e “Moneta nostra” i espertu de “signoraggio”.

“Benitorrau Bruno!”. Zirichiltaggia: “a Manca vitima sceberada de un’acanarjadura”. Cras in Tàtari assembrea cun Bellomonte

(IlMinuto) – Casteddu, 25 de su mesi de totussantus – “Una batalla est binta, ma su caminu abia de sa libertadi est tambeni longu e teneus abisóngiu de totu sa fortza e s’acunnortadura de bosàterus”. Cun custus fueddus sa diretzioni natzionali de a Manca pro s’Indipendentzia cumbidat a is sardus a pigai parti a s’assembrea-cuferéntzia de imprenta “Benitorrau Bruno!”, aprontada po cras a mangianu in Tàtari, a is 10.30, in s’anfiteatru de su “Dopolavoro” Ferruviariu. A is traballus at a pigai parti puru Bruno Bellomonte, ca de lúnis a merì est torrau un’ómini liberu agoa de 29 mesis de impresonamentu preventivu. Asuba de s’acuntéssia e asuba de s’operatzioni Arcadia at a chistionai puru sa Diretzioni política natzionali de a Manca. A s’assembrea ddoi at essi puru s’assótziu Culturali Zirichiltaggia. Sighi a ligi ‘“Benitorrau Bruno!”. Zirichiltaggia: “a Manca vitima sceberada de un’acanarjadura”. Cras in Tàtari assembrea cun Bellomonte’

Call Center: 180 traballadoris Kistio chentza de traballu a fini de annu. Lúnis sit in: “Boleus cantu si tocat”

(IlMinuto) – Casteddu, 25 de su mesi de totussantus – Otèniri arrespustas e tempus segurus asuba de su pagamentu de su trf, de sa de trexi mensilidadis, de is ferias e de is permissus. Cun custu obietivu is traballadoris de su Call Center Kistio ant aprontau po lúnis chi benit a is 11.00 unu pichetu-sit in a faci de sa sedi casteddaia de s’azienda. “Kistio – si ligit in d-una nota de sa Slc Cgil – agoa de ai incarrerau de pagu prus de duus annus is protzeduras de càscia integratzioni, at annuntziau sa serradura e s’acabu de s’atividadi po su 31 de su mesi de paschixèdda. Immoi boleus arrespustas seguras asuba de su chi si tocat. Po imoi no funt lompias. Su sindacau de categoria est obrigau aici a si ponni de punta po otèniri s’arrespetu de is diritus”. Sighi a ligi ‘Call Center: 180 traballadoris Kistio chentza de traballu a fini de annu. Lúnis sit in: “Boleus cantu si tocat”’

Presonis: su presoneri chi at imbentau is líburus/maniposa si cosit sa buca po protesta

(IlMinuto) – Casteddu, 25 de su mesi de totussantus – Domínigu passau unu presoneri in su presoni nugoresu de Bad’e Carros s’est cosiu sa buca e de insaras arrefudat sa cosa de papai e s’àcua po protesta. Ddu denuntziat cun d-una nota Maria Grazia Caligaris, Presidenti de s’Assótziu Sotzialismu Diritus e Riformas. Un’ingestu de protesta, acrarat Caligaris, chi est stétiu scadenau de s’esclusioni de su presoneri – cundennau a s’ergastolu e imbenteri e autori de is líburus/maniposa, cun contus e murmutus dedicaus a is pipius – de is fainas de s’iscola e de sa butega. Sighi a ligi ‘Presonis: su presoneri chi at imbentau is líburus/maniposa si cosit sa buca po protesta’

Avenimentus: in Durgali sa primu editzioni de su Festival literàriu BodYMind

(IlMinuto) – Casteddu, 25 de su mesi de totussantus – S’at a lamai BodYMind su primu Festival literàriu de Durgali. S’avenimentu s’at a tenni de s’8 a s’11 de su mesi de paschixèdda de su 2011. In su BodYMind s’at a donai boxi a sa literadura, a sa puesia, a s’antropologia, a sa filiosofia, ma puru a su spricullitu de sa menti e de sa carena cun sa dantza e su cantu. Su de Durgali est unu festival chi bolit spricuai is diversas facis de sa carena e de sa menti atressu de s’arti. Sighi a ligi ‘Avenimentus: in Durgali sa primu editzioni de su Festival literàriu BodYMind’