> Ambienti: in Terraba aumentant is chi funt contra a su “Piano fasce fluviali”. Meloni (Paris) pedit is dimissionis de su Consillu comunali | ilMinuto

Ambienti: in Terraba aumentant is chi funt contra a su “Piano fasce fluviali”. Meloni (Paris) pedit is dimissionis de su Consillu comunali

(IlMinuto) – Casteddu, 2 de su mesi de totussantus – In Terraba amanniat su nono a is avincus prevìdius de su “Piano Stralcio delle fasce fluviali” de sa Regioni Sardìnnia a su fàbricu de edifitzius. Cenàbara passau in s’àula de s’Istitutu ténnicu de su comunu s’est tentu un’atopu istraordinàriu de su Consillu comunali, a sa cosa ddoi furiant puru tzitadinus meda. “Aministradoris de su logu e tzitadinus – si ligit in d-una nota de imprenta – impari po manifestai […] sa própriu arrealia a is avincus cumandaus de su pranu chi at fatu nàsci a su comitau promotori populari”. Asuba de sa chistioni fueddat puru Doddore Meloni de s’organizatzioni indipendentista Paris-Malu Entu, pedendi is dimissionis de su Consillu comunali de Terraba. Po Meloni s’aministrazioni est arresponsàbili de ai collaborau pagu cun sa Giunta regionale “e po su prus cun s’Assessori a is Traballus Públicus Nonnis”. Custa auséntzia de cuntatus – acrarat sa boxi de Paris – “at determinau […] una pérdida manna de fidútzia in diversus tzitadinus terrabesus”. A faci de custu, eletoris medas s’ant pediu de dimandai is dimissionis de su Consillu comunali de Terraba”.

© RIPRODUZIONE RISERVATA

0 Arrespustas a “Ambienti: in Terraba aumentant is chi funt contra a su “Piano fasce fluviali”. Meloni (Paris) pedit is dimissionis de su Consillu comunali”


Is cummentus funt serraus.