> Acuntéssia Bellomonte: su 19 de su mesi de totussantus sit in de protesta a faci de su Tribunali de Casteddu | ilMinuto

Acuntéssia Bellomonte: su 19 de su mesi de totussantus sit in de protesta a faci de su Tribunali de Casteddu

(IlMinuto) – Casteddu, 9 de su mesi de totussantus – Sighit sa mobilitada in solidariedadi de Bruno Bellomonte, dirigenti de a Manca pro s’Indipendentzia de duus annus e mesu in galera po mori de acusas chi no funt stétias mai cumprovadas. A pagu diris de sa fini de su primu gradu de su protzessu prevìdiu po sa fini de mesi, su Comitau Traballadoris pro Bellomonte at aprontau unu sit in po sàbudu 19 de su mesi de totussantus a is 10.00, a faci de su Tribunali de Casteddu. Cussu a Bellomonte – si ligit in d-una nota de imprenta de su Comitau – est unu “protzessu chi tenit scéti s’iscopu de scuntroriai calisisiat forma de disacórdiu e prusatotu su disacórdiu in cufrontus de unu stadu colonialista”. “No ant essi – pretzisat sa nota – custas formas de scontroriadura, custus duus annus e mesu de galera, sa pena de ai biu morri in presoni unu cumpantzu, chi ant a impediri de pentzai a un’àteru stadu. Nosu eus a sighiri a tzerriai s’innocéntzia de Bruno Bellomonte e de is àterus imputaus, i eus a sighiri a difèndiri puru e prusatotu su diritu insoru a pentzai, progetai e donai vida a su disinnu políticu insoru”.

Foto de Paola Rizzu

© RIPRODUZIONE RISERVATA

0 Arrespustas a “Acuntéssia Bellomonte: su 19 de su mesi de totussantus sit in de protesta a faci de su Tribunali de Casteddu”


Is cummentus funt serraus.