> Galsi: in finantziaria 150 milionis po su metanodotu. S’eja de sa Provìntzia de Casteddu, is dúbius de su Prc | ilMinuto

Galsi: in finantziaria 150 milionis po su metanodotu. S’eja de sa Provìntzia de Casteddu, is dúbius de su Prc

(IlMinuto) – Casteddu, 24 de su mesi de totussantus – Dinai liau po totu (o casi) ma no po su Galsi. In sa finantziaria, oi a s’esàminu de sa Comissioni Bilantzu de su Consillu, sa Giunta regionali at detzidiu de donai 150 millionis de eurs po agiudai a su cumprimentu de su metanodotu Algeria-Sardìnnia- Itàlia. Favoràbili a su metanodotu puru sa Provìntzia de Casteddu. In sa setziada de su 21 de su mesi de totussantus is consilleris provintzialis ant nau ca eja a su progetu e aici iat giai fatu sa Giunta provìntziali. Dúbius asuba de su cumprimentu de su Galsi lompint imbecis de sa segreteria regionali de su Prc, Laura Stochino, e de s’arresponsàbili regionali Ambienti, Nicola Culeddu. “Iaus a bolli essi segurus – scrirint Stochino e Culeddu – ca su Galsi no siat un’àteru fàbricu mannu pentzau pighendi in cunsidériu scéti is tzentrus de su poderi est a nai po agidai is interessus de is bancas e de is ‘multinazionali’, chentza de tenni nisciunu profetu asuba de su costu de s’energia e de sa gestioni sua de parti de sa Sardìnnia”.

© RIPRODUZIONE RISERVATA

0 Arrespustas a “Galsi: in finantziaria 150 milionis po su metanodotu. S’eja de sa Provìntzia de Casteddu, is dúbius de su Prc”


Is cummentus funt serraus.