> Galsi. Sinistra Critica Sarda: “Cun su metanodotu bisestru assegurau” | ilMinuto

Galsi. Sinistra Critica Sarda: “Cun su metanodotu bisestru assegurau”

(IlMinuto) – Casteddu, 2 de su mesi de totussantus – Funt sèmpiri prus numerosas is boxis contra a su fàbricu de su Galsi. Cun d-unu comunicau de imprenta Sinistra Critica Sarda arrespundit a s’apellu fatu a sa política de su Comitau ProSardegnaNogasgoddo in is diris passadas . “Nos – si ligit in sa nota – seus contra a su Galsi ‘chenza de fai gírius medas’”. Po su cordinamentu sardu de s’organizatzioni anticapitalista su Metanodotu Algeria Sardìnnia Itàlia ” promitit pagus profetus po sa Sardìnnia e is profetus chi ddoi ant a depi essi funt dubiosus meda”, ma afiantzat “su bisestru de benis ambientalis e archeológicus de Meridioni a Tramuntana, su perígulu de iscópius e fogus cunfirmau de sa tzacarrada mala meda de Tarsia in Calabria (10 de su mesi de fiàrgiu de su 2011), s’ocupatzioni de pagu prus de 30 milionis de metrus cuadrus de territóriu sardus, i dannus po sa messarítzia e su turismu”. “Su Galsi – concluit sa nota – est scéti un’àtera tzeràchia impostaa sa Sardìnnia in nòmini de is abisóngius internatzionalis”.

© RIPRODUZIONE RISERVATA

0 Arrespustas a “Galsi. Sinistra Critica Sarda: “Cun su metanodotu bisestru assegurau””


Is cummentus funt serraus.