> S’Ue frimat s’esportatzioni de petza de procu sarda. Coldiretti: “Cappellacci fatzat calencuna cosa” | ilMinuto

S’Ue frimat s’esportatzioni de petza de procu sarda. Coldiretti: “Cappellacci fatzat calencuna cosa”

(IlMinuto) – Casteddu, 14 de su mesi de totussantus – Su Comitau “Po sa saludi de is animabis” de s’Unioni Europea at determinau sa frimada de s’esportatzioni de sa petza de is procus pesaus in Sardìnnia, permitendi in su mantessi tempus s’importatzioni in s’Ísula de procus bius prontus a essi maceddaus. Coldiretti pedit a su presidenti de sa Regioni, Ugo Cappellacci, de frimai custu determinu, dimamdendi a sa Comissioni europea de no arratificai su parri de su Comitau. “Su provedimentu – acrarat Coldiretti – iat a impediri s’esportatzioni de petza de procu chi benit de sa Sardìnnia, donedi su permissu imbecis a is importatzionis de procus bius chi agoa iant a podi essi bendius a foras de su territóriu sardu passendu po petza sarda (sa norma permitit sa naradura ‘maceddau in Sardìnnia’)”. “Si sa Comissioni it a cunfirmai su parri de su Comitau – pretzisat Luca Saba Diretori de Coldiretti Sardìnnia – nos no eus a permiti is importatzionis de procus bius cun d-un’atzioni chi at a interessai totus is portus de sa Sardìnnia”.

© RIPRODUZIONE RISERVATA

0 Arrespustas a “S’Ue frimat s’esportatzioni de petza de procu sarda. Coldiretti: “Cappellacci fatzat calencuna cosa””


Is cummentus funt serraus.