> Manifestada de su 10 de su mesi de totussantus: puru su “Cinque Stelle” e “Sinistra Critica Sarda” pedendi apricu de s’artículu 51 | ilMinuto

Manifestada de su 10 de su mesi de totussantus: puru su “Cinque Stelle” e “Sinistra Critica Sarda” pedendi apricu de s’artículu 51

(IlMinuto) – Casteddu, 9 de su mesi de totussantus – Aumentant is adesionis a sa manifestada de su “pópulu sardu” per pediri s’apricu de s’artículu 51 de su Statutu. A sa protesta, in programa po cras a mangianu in Casteddu, ddoi ant essi puru su “Movimento Cinque Stelle” e “Sinistra Critica Sarda”. “Mentris is multinatzionalis s’acafant cun pranus de isfrutamentu (Galsi, chímica birdi, esercitatzionis militaris etc) – scririt su cordinamentu de ‘Sinistra Critica’ – is chi patint s’arricatu de is bancas e de Equiatalia funt is prus débilis. Angarias comenti cussas patias de is famílias Giordi, Sairu e Nassitti, bogadas de mala chinta […] de is domus insorus, funt sèmpiri prus fissientis”. “Po custu – si ligit in sa nota de imprenta – ‘Sinistra Critica Sarda’ pigat parti a sa manifestada de pópulu sardu […] e pedit a sa Giunta regionali s’apricu de s’artículu 51 de su Statutu”. In su trastempus sighit s’isciòpiru de su fàmini de unu grupu de féminas a faci de sa domu de s’arburada Trento po pediri s’apricu de s’artículu 51 de su Statutu.

© RIPRODUZIONE RISERVATA

0 Arrespustas a “Manifestada de su 10 de su mesi de totussantus: puru su “Cinque Stelle” e “Sinistra Critica Sarda” pedendi apricu de s’artículu 51”


Is cummentus funt serraus.