> Poligonus militaris: sàbudu in Teulada dibàtidu aprontau de “Gettiamo le basi” e Amparu | ilMinuto

Poligonus militaris: sàbudu in Teulada dibàtidu aprontau de “Gettiamo le basi” e Amparu

(IlMinuto) – Casteddu, 3 de su mesi de totussantus – “S’amparu giurídicu po sa genti e is militàris a arriscu po mori de is fainas de is poligonus”. At essi custu su tema de su dibàtidu aprontau de su comitau sardu Gettiamo le basi e de su comitau Amparu in programa sàbudu chi benit, in Teulada (saba Spiga, 17.00). In s’atopu – ghiau de su giornalista Walter Falgio – ant a fueddai sa boxi de su Comitau “Gettiamo le basi” Mariella Cao, is abogaus Giacomo Doglio e Valeria Farigu, su datori Luisella Caria, s’assessori a s’Ambienti de sa Provìntzia de Casteddu Ignazio Tolu e Elisa Monni de Amparu. “Gettiamo le basi” pedit giai de tempus meda de “firmai debressi is fainas de is tres tzentrus militaris prus mannus de sa Sardìnnia, aundi si funt registradas is malàdias de gherra”.

© RIPRODUZIONE RISERVATA

0 Arrespustas a “Poligonus militaris: sàbudu in Teulada dibàtidu aprontau de “Gettiamo le basi” e Amparu”


Is cummentus funt serraus.