> 2011 mes’e paschixèdda | ilMinuto

Archìviu de mes'e paschixèdda 2011

“Sali Saliu”: in Crabònia cursu po diventai professoneris de su Turismu ambientali

(IlMinuto) – Casteddu, 28 de su mesi de paschixèdda – Funt obertas is iscritzionis a “Sali Saliu“: su cursu finantziau cun su dinai Por Sardigna 2007-2013 chi tenit s’obietivu de favorèssiri sa nàscida de una o prus de una impresa in su cumpartu de su Turismu ambientali. A “Sali Saliu” ant podi participai 15 residentis in Sardigna chi ant pérdiu no ant agatau mai unu traballu e chi siant dipromaus a is iscolas superioris. Sighi a ligi ‘“Sali Saliu”: in Crabònia cursu po diventai professoneris de su Turismu ambientali’

Movimentu NoGalsi: cras in Casteddu cunvennu cun is rapresentantis NoTav e NoPonte

(IlMinuto) – Casteddu, 28 de su mesi de paschixèdda – “Metanodotto: un tubo senza ritorno”. Custu su tema de su cunvennu NoGalsi in programa cras in Casteddu (17.00, Hotel Arreina Margherita). Ant a pigai parti a s’atopu a Sandro Martis (comitau proSardegnaNoGalsi), Erasmo Veronesi (físicu nucleari), Claudia Zuncheddu (consilleri regionali Indipendentistas), Gavino Sale (Irs), Stefano Deliperi (“Gruppo di Intervento Giuridico”) e Lello Corti (Movimento Cinque Stelle). Sighi a ligi ‘Movimentu NoGalsi: cras in Casteddu cunvennu cun is rapresentantis NoTav e NoPonte’

Presonis: po sa Sardigna Proveditori “part time”

(IlMinuto) – Casteddu, 28 de su mesi de paschixèdda – Sa gestioni de is presonis sardus est intregada aunu Proveditori regionali “part time”. Est cantu denuntziat cun d-una nota Maria Grazia Caligaris, presidenti de s’Assótziu “Socialismo Diritti e Riforme”. “Sa Sardigna at tentu po ses mesis scéti – acrarat sa Caligaris – unu Proveditori regionali a tempus prenu. Gianfranco De Gesu, responsàbile de s’aministratzioni penitentziària de s’Ísula de su 20 de su mesi de làmpadas de su 2011, at difatis pigau de su 2 de su mesi de paschixèdda puru incàrrigu de Proveditori de sa Calabria”. Sighi a ligi ‘Presonis: po sa Sardigna Proveditori “part time”’

“Di lavoro si muore, di precarietà si vive!”. Atzioni de is Gc de Aristanis in ammentu de Cristina Allegretti

(IlMinuto) – Casteddu, 28 de su mesi de paschixèdda – “Di lavoro si muore, di precarietà si vive!”. Custa sa scrita in su striscioni apicau cenàbara de is “Giovani Comunisti” de su Prc de Aristanis, in bia Casteddu. Sa scrita furiat acumpanzada de unu mustajoni crocau in terra “símbulu – si ligit in d-una nota – de totus is operàjas e is operàjus mortus in su traballu”. “A issus – acrarant is Gc – boleus dedicai s’atzioni nostra e po su prus dda boleus dedicai a Cristina Allegretti, sa picioca precària chi in su mesi de Totussantus est stétia tragada de una zisterra candu furiat traballendi in d-una butega de sabonis sciortus in Aristanis”. Sighi a ligi ‘“Di lavoro si muore, di precarietà si vive!”. Atzioni de is Gc de Aristanis in ammentu de Cristina Allegretti’

“Progetu Lianora”. Cras in Arborea assembrea pública apitzus de su putzu Saras

(IlMinuto) – Casteddu 27 de su mesi de paschixèdda – “Arborea: bidda de lati o bidda de gas?” Est custu su tema de s’assembrea pública in programa po cras in Arborea. A sa cosa, avisada de su comitau cívicu “No al Progetto Eleonora” po chistionai de su progetu de su putzu Saras-Sargas in su tretu amparau de S’Ena Arrúbia, ant a fueddai: Vincenzo Migaleddu, datori radiologu, Bruno Paliaga, biologu e diretori de s’area marina amparada de ‘Capo Carbonara’ – Crabonaxa, Antonio Soggiu, rapresentanti de s’órdini de is geologus de sa Sardigna e Maria Rita D’Orsogna, maista in sa California State University. Sighi a ligi ‘“Progetu Lianora”. Cras in Arborea assembrea pública apitzus de su putzu Saras’