> 2011 mes’e paschixèdda 07 | ilMinuto

Archíviu de sa diri 7/12/2011

Movimentu No Radar. Zedda arricit a su Comitau de Casteddu: “No scidiu ca su radar de Cala Mosca fessat giai funtzionendi”

(IlMinuto) – Casteddu, 7 de su mesi de paschixèdda – Sa lota de su movimentu No Radar trisinat puru a s’aministratzioni de Casteddu. Ariseru, martis 6 de su mesi de paschixèdda, ddoi est stétiu unu sit-in in bia Roma, a faci de su Consillu comunali, po protestai contra a su fàbricu de su Radar vts, ativu de su 2008 in Cala Mosca, aintru de su tretu militari. Sa cosa, promòvia de su Comitau No radar de Casteddu, teniat s’obietivu – si ligit in d-una nota – “de spingi a s’aministratzioni de Casteddu a s’espressai apitzus de un’interogatzioni presentada in Consillu comunali de Enrico Lobina (Prc-Fds) in su mesi de cabudanni, e a arrispundi a una lítera imbiada cida passada a su Síndigu de su Comitau No Radar de Casteddu”. Un’imbasciada de su Comitau at atopau a su primu tzitadinu. Sighi a ligi ‘Movimentu No Radar. Zedda arricit a su Comitau de Casteddu: “No scidiu ca su radar de Cala Mosca fessat giai funtzionendi”’

Galsi: in Serramanna atóbiu cun is tzitadinus. Totus is adesionis a sa manifestada “NoGasdotto” de su 10. Cras a Manca afestat a Bellomonte

(IlMinuto) – Casteddu, 7 de su mesi de paschixèdda – A pagu diris de sa Cuferéntzia de is Serbítzius de Roma de su 21 de su mesi de paschixèdda, chi iat a podi fai cumentzai is traballus de fàbricu de su Metanodotu Algeria Sardìnnia Itàlia, funt sèmpiri de prus is propostas de chini est contra, a sa, chi su mantessi Galsi lamat “Tzerachia de passada”. Cenàbara a merì, 9 de su mesi de paschixedda, in Serramanna (Ex Montegranatico, 17.30) s’at a tenni s’atóbiu de sceda chi tenit comenti de tema “Galsi. Quali benefici per i sardi?” Un’atopu obertu a totu sa genti, cun is relatus de su consilleri regionali Claudia Zuncheddu (Indipendentistas), de Stefano Deliperi (Gruppo di intervento giuridico) e de Sandro Martis (Comitato ProSardegnaNoGasdotto). In su trastempus crescint is adesionis* a sa manifestada natzionali “NoGalsi” in programa po sàbudu 10 de su mesi de paschixèdda in Casteddu (pratza de is Centumilla, 10.30). Sighi a ligi ‘Galsi: in Serramanna atóbiu cun is tzitadinus. Totus is adesionis a sa manifestada “NoGasdotto” de su 10. Cras a Manca afestat a Bellomonte’

Manuvra Monti. Cgil: “Milla e prus de milla traballadoris chentza de réddito”. Lúnis 12 isciòpiru generali de cuàturu oras

(IlMinuto) – Casteddu, 7 de su mesi de paschixèdda – “S’atùmbidu de sa manuvra Monti at essi malu meda po sa Sardìnnia e at a  agravai sa crisi giai grai chi s’est bivendi. Is acórdius po acumpangiamentu a sa pensioni de milla e prus de milla traballadoris funt stétius scancellaus. Milla e prus milla famílias ant a abarrai chentza de rédditu”. Est cantu narant su segretàriu regionali Cgil, Enzo Costa, in d-un’atóbiu cun su vici prefetu Carolina Bellantoni, in su sit in chi s’est tentu ariseru a mangianu in pratza Palatzu, in Casteddu. Sighi a ligi ‘Manuvra Monti. Cgil: “Milla e prus de milla traballadoris chentza de réddito”. Lúnis 12 isciòpiru generali de cuàturu oras’

Língua Sarda: música e imparu is temas de sa Cuferéntzia annuali de su 2011

(IlMinuto) – Casteddu, 7 de su mesi de paschixèdda – Língua Sarda in sa música e in s’imparu. Ant essi custus is temas de sa Cuferéntzia regionali annuali de sa Língua Sarda in programa in S’Alighera de su 9 a s’11 de su mesi di paschixèdda in s’agriturismu “Sa mandra”, acanta de s’aereoportu. Sa cuferéntzia – aprontada de s’assessorau regionali de sa Pública Istrutzioni – s’at a oberri cun sa sessioni “Música e Língua Sarda” e at a sighiri sàbadu e domínigu cun duas diris dedicadas a s’impitu de su sardu e in s’universidadi. Sighi a ligi ‘Língua Sarda: música e imparu is temas de sa Cuferéntzia annuali de su 2011′

Avenimentus: in Teti su “Cuncursu Trezenu de pintura fata in su mamentu”

(IlMinuto) – Casteddu, 7 de su mesi de paschixèdda – S’at a tenni s’8 de su mesi de paschixèdda in Teti, in is aposentus de sa Biblioteca Comunali, su “Cuncursu Trezenu de pintura fata in su mamentu”, unu cuncursu chi tenit comenti tema “Riproduci qualcosa che ti ha particolarmente colpito del paese di Teti e che, secondo te, può rappresentarne l’identità”. Su “Cuncursu Trezenu de pintura fata in su mamentu” est obertu a totus is pintoris de dónnia impunnada artística e previdit sa creatzioni de un’òpera po is arrugas de sa bidda. Sighi a ligi ‘Avenimentus: in Teti su “Cuncursu Trezenu de pintura fata in su mamentu”’