> 2011 mes’e paschixèdda 09 | ilMinuto

Archíviu de sa diri 9/12/2011

Ambienti e saludi: in Senobrì sa campannia “Provincia Eternit Free”

(IlMinuto) – Casteddu, 9 de su mesi de paschixèdda – Bogai foras is cucutzuras in Eternit de is barracas de is artesanalis, industrialis o agriculas e in su mantessi tempus agiudai su fàbricu de impiantus “fotovoltaici”. Funt custus is obietivus de sa campannia de sceda promòmovia de sa Provìntzia de Casteddu cun d-una fibera de atóbius. Su primu atopu est in programa custu merì in Senobrì (17.30, tzentru culturali Domu Lonis). Sighi a ligi ‘Ambienti e saludi: in Senobrì sa campannia “Provincia Eternit Free”’

“Uneusì po nai ca no a sa manuvra Monti” Assembrea Usb custu merì in Nùgoro

(IlMinuto) – Casteddu, 9 de su mesi de paschixèdda – Uniri pastoris, operàjus, istudiantis, maistus, traballadoris e disimperaus po nai ca no a sa manuvra Monti. Est custu s’apellu ca su sindacau de basi Usb fait a totu su mundu de su traballu de sa Sardìnnia. De sa chistioni s’at chistioni custu merì in Nùgoro (18.00, Euro Hotel), in d-un’assembrea cun Pierpaolo Leonardi. Sighi a ligi ‘“Uneusì po nai ca no a sa manuvra Monti” Assembrea Usb custu merì in Nùgoro’

Galsi: cras sa Sardìnnia in pratza po nai ca no a sa colobra

(IlMinuto) – Casteddu, 9 de su mesi de paschixèdda – De cuàturu annus istudiant piu e signu e critigant cun datus scientíficus su progetu Galsi: funt is chi faint parti de su “ComitatoProSardegnaNoGasdotto”. Cras ant a pigai parti puru issus a sa manifestada natzionali NoGalsi in programa in Casteddu (10.30, pratza de is Centumilla). Su Comitau – si ligit in d-una nota – “cumbidat a is próprius amigus e  is chi tenit a coru su tempus benidori de sa Sardìnnia a pigai parti a sa manifestada. Sa manifestada est unu mamentu po condivìdiri sa lota, chi si depit biri unius po pediri s’arrespetu de is sardus e s’amparu de s’únicu beni chi s’est abarrau: sa Sardìnnia”. Po su Comitau su metadonotu rapresentat “un’àteru s’isfrégiu malu a is dannus de su territóriu e de is tzitadinus chi no scint nudda de sa cosa”. Sa manifestada No Galsi, promòvia de a Manca pro s’Indipendentzia, at arriciu diversas adesionis*. Sighi a ligi ‘Galsi: cras sa Sardìnnia in pratza po nai ca no a sa colobra’

Teatru: in Casteddu “Marx, la moglie e la fedele governante”

(IlMinuto) – Casteddu, 9 de su mesi de paschixèdda – At a andai in iscena cras a is 21.00, in s’Auditorium Comunali de Casteddu, s’ispetàculu “Marx, la moglie e la fedele governante”. At essi sa cumpannia teatrali “La fabbrica illuminata” a presentai s’ispetàculu de Adele Cambria, cun Simona Guarino e Elena Pau, po sa regia de Marco Parodi. Sighi a ligi ‘Teatru: in Casteddu “Marx, la moglie e la fedele governante”’