> 2011 mes’e paschixèdda 12 | ilMinuto

Archíviu de sa diri 12/12/2011

Sanidadi. Espa (Pd): “Arràntzia maba in su bilantzu de sa Regioni. 21 milionis de mancu in su ‘Fondo per i non autosufficienti’”

(IlMinuto) – Casteddu, 12 de su mesi de paschixèdda – Un’arràntzia maba in sa scriidura de su bilantzu regionali arriscat de fai dannu a is tzitadinus prus débilis. Est cantu denuntziat cun d-unu comunicau de imprenta Marco Espa, consilleri regionali de su Pd. “In su bilantzu – acrarat Espa – mancant 21 milionis de eurus de su ‘Fondo per i non autosufficienti’. In sa Finatziaria funt stétius donaus 197 milionis po su Fundu, mentris in bilantzu ndi ddoi funt scéti 176. Is 21 milionis de eurus depint essi arrecuperaus debressi”.

Putzu Saras. ProgRes: “Su progetu trinisinat unu tretu amparau. Sa Regioni fatzat calencuna cosa”

(IlMinuto) – Casteddu, 12 de su mesi de paschixèdda – Su tretu acanta de Arborea sceberau de sa Saras po su progetu Lianora, unu putzu po sa circa de su metanu, fait parti forsis de unu tretu amparau de allatzus internatzionalis. Est cantu narat cun d-una nota Luigi Cocco, arreponsàbilis natzionali comunicatzioni de ProgRes. Po custu motivu in is diris passadas s’organizatzioni indipendentista at presentau una dimanda de avaloramentu apitzus de impatu ambientali de su putzu a s’Assessorau regionali po sa Difesa de s’Ambienti. A cantu narat sa Saras su putzu de circa no at a trisinai su tretu aundi benit fatu is nius. Ma, denuntziat ProgRes, is cartas de s’azienda contraixint a is ufitzialis de su Ministeru de s’Ambienti, chi insertant su tretu sceberau po su putzu aundi benint fatus is nius: tocat duncas a sa Regioni – narat ProgRes – fait totus is controllus netzessàrius asuba de s’impatu ambientali de is traballus. Sighi a ligi ‘Putzu Saras. ProgRes: “Su progetu trinisinat unu tretu amparau. Sa Regioni fatzat calencuna cosa”’

Manuvra Monti: oi sa Sardìnnia si frimat po tres oras. Pcl “Isciòpiru fintzas a s’arrutroxa de su Governu”

(IlMinuto) – Casteddu, 12 de su mesi de paschixèdda – Sa Sardìnnia in pratza contra a sa manuvra de su Guvernu Monti e contra a Finatziaria de su 2012 de sa Giunta regionali. Oi Cgil, Cisl e Uil ant lamau tres oras de isciòperu generali – de is 8.00 a is 11.00 – cun pichetus in totu s’Ísula e atopus cun is prefetus. A sa protesta aderit su Pcl, chi proponit perou formas de lota prus forti. Sighi a ligi ‘Manuvra Monti: oi sa Sardìnnia si frimat po tres oras. Pcl “Isciòpiru fintzas a s’arrutroxa de su Governu”’

Manifestada: in Casteddu 200 narant ca no a su metanodotu coloniali. Sàbudu cuncertu No Galsi in Terranòa

(IlMinuto) – Casteddu, 12 de su mesi de paschixèdda – Sa protesta contra a su Galsi no si frimat. Sàbudu a mangianu funt stétias pagu prus de 200 is personis chi ant pigau parti a sa manifestada de Casteddu contra a su fàbricu de su Metanodotu Algeria Itàlia Sardìnnia. A su corteu, obertu de su striscioni “No a su colonialismu, No a su Galsi”, furiant presentis su Comitau ProSardegnaNoGasdotto, A Manca pro s’Indipendentzia – chi at aprontau sa manifestada -, “Sinistra Critica sarda”, “Partito Comunista dei Lavoratori”, “Collettivo anticapitalista sardo”, Assótziu Zirichiltaggia; “Comunisti – Sinistra popolare” de Casteddu e de su Surcis, Disarmiamoli Sardigna, Casteddu Social Forum, “Solarussa in Movimento”, “Liberta’ Sarda”, Comitau “Carlofortini Preoccupati”, Grupu “Tutti i sardi contro il Galsi”, Az.namusn.art (colletivu artísticu), Meetup 31 (Amigus de Beppe Grillo in Sardìnnia) e Claudia Zuncheddu. Sa mobilitada contra a custa òpera chi is manifestantis definint inútili, cara e dannosa po s’ecunumia e po s’ambienti at a sighiri sàbudu chi benit in sa Sardìnnia de Tramuntana. Su 17 de su mesi paschixèdda in Terranòa est difatis in programa unu corteu dibàtidu (17.00, pratza Mercau) aprontau de su Movimentu de opinioni “Tutti i sardi contro il Galsi” ant a sonai Dr Drer Crc Posse, Dr Boost, Gesuino Deiana & Gianni Mannu, Tzocu e Bellisario. Sighi a ligi ‘Manifestada: in Casteddu 200 narant ca no a su metanodotu coloniali. Sàbudu cuncertu No Galsi in Terranòa’

Avenimentus: In Casteddu “Letture sotto l’albero in una notte fredda e luminosa”

(IlMinuto) – Casteddu, 12 de su mesi de paschixèdda – Arribat “LETTURE SOTTO L’ALBERO IN UNA NOTTE FREDDA E LUMINOSA”. S’avenimentu aprontau de sa Provìntzia de Casteddu e de sa Biblioteca Provìntziali Piciocus s’at a tenni in is diris 14, 16 e 21 de su mesi de paschixedda de is 17.00 a is 18.00 in sa saba Cuferéntzias de su nuu Infea acanta de sa Biblioteca Provìntziali Piciocus, in su Parcu Monti Claro, a faci de is campus isportivus. Sighi a ligi ‘Avenimentus: In Casteddu “Letture sotto l’albero in una notte fredda e luminosa”’