> 2011 mes’e paschixèdda 13 | ilMinuto

Archíviu de sa diri 13/12/2011

Rockwool Igrèsias: operàjus ocupant galleria Villa Marina. “Fadeisì traballai in is pranus de bunífica”

(IlMinuto) – Casteddu, 13 de su mesi de paschixèdda – Protesta frimma de is operàjus Rockwool de Igrèsias. A sa fini de un’adunàntzia de pagu profetu, cun s’assessori regionali de s’Industria, Alessandra Zedda, una dexina de traballadoris at difatis ocupau sa galleria Villa Marina in sa miniera de Monteponi. Sighi a ligi ‘Rockwool Igrèsias: operàjus ocupant galleria Villa Marina. “Fadeisì traballai in is pranus de bunífica”’

Galsi. “Disarmiamoli Sardigna”: “In sa finantziaria 150 milionis po su metanodotu chentza de tenni nisciunu serbítziu po is sardus po is sardus”

(IlMinuto) – Casteddu, 13 de su mesi de paschixèdda – Is políticus sardus de su Pdl a su Pd, de Mauro Pili a Tore Cherchi, acotzant a su Galsi chentza de dúbius. E ddu faint chentza de fai sciri nudda a sa genti de is efetus chi s’òpera at a tenni apitzus de ecunumia e de s’ambienti. Est cantu narat cun d-una nota “Disarmiamoli Sardigna”, movimentu contra a su militarismu chi sàbudu est cabau in pratza in Casteddu po nai ca no a su metanodotu Algeria, Sardìnnia Itàlia. “In su coru de sa crisi – si ligit in d-una nota de imprenta – sa Giunta regionali si permitit de fincai 150 milionis de eurus in su galsi chetza de assegurai nisciunu serbítziu: scéti prumissas de bentu asuba de su prétziu bàsciu de s’energia e apituzus de is postus de traballu nous. Sighi a ligi ‘Galsi. “Disarmiamoli Sardigna”: “In sa finantziaria 150 milionis po su metanodotu chentza de tenni nisciunu serbítziu po is sardus po is sardus”’

Avenimentus: in Sèneghe “Prentzas Apertas”

(IlMinuto) – Casteddu, 13 de su mesi de paschixèdda – Torrat s’atopu cun “Prentzas Apertas”. Sèneghe ocannu at a afestai s’ollu suu in is diris 17 e 18 de su mesi de paschixèdda. Unu programa arricu su de s’editzioni de su 2011 de “Prentzas Apertas” cun atastus e bisitas a is mólinus antigus, mostras, cuncertus e passilladas in mountain bike in is livàrius acanta de sa bidda. Sa festa s’at a serrai domínigu a merì cun baddus in pratza e arrustida de petza de su Montiferru (Boi arrúbiu e ‘Melina’). Sighi a ligi ‘Avenimentus: in Sèneghe “Prentzas Apertas”’