> 2011 mes’e paschixèdda 20 | ilMinuto

Archíviu de sa diri 20/12/2011

Operàjus Rockwool: cras a merì marcia de solidariedadi in Igrèsias. Crescint is adesionis a s’apellu de solidariedadi

(IlMinuto) – Casteddu, 20 de su mesi de paschixèdda – Crescit sa solidariedadi ingíriu a sa lota de is operàjus Rockwool de Igrèsias, chi de una cida e prus ant ocupau, in d-unu grupu de 5-6 personis, sa galleria Bidda Marina in sa miniera de Monteponi. Cras a merì Igrèsias at essi atravessada de sa marcia de solidariedadi aprontada de is pobiddas de is 70 operàjus. “Is pobiddas de is traballadoris de sa Rockwool – si ligit in d-una nota – promovint una marcia de solidariedadi e de acotzu a sa lota po su traballu. Cumbidant is tzitadinus de Igrèsias e de su territóriu a s’uniri a sa protesta paxiosa, marcendi de pratza Sella (s’atopu est a is 16.30, ndr) po lompi fintzas a sa Galleria Biddamarina de Monteponi ocupada”. Sighi a ligi ‘Operàjus Rockwool: cras a merì marcia de solidariedadi in Igrèsias. Crescint is adesionis a s’apellu de solidariedadi’

Metanodotu: cras assembrea “No Galsi” in Igrèsias

(IlMinuto) – Casteddu, 20 de su mesi de paschixèdda – “Galsi: presunto sviluppo, quale futuro?”. At essi custu su tema de s’assembrea in programa cras a merì in Igrèsias (17.30, Saba de sa sotziedadi operàja, bia XX cabudanni). In s’atopu – aprontau de su movimentu de opinioni pública chi est contra a su Galsi – ant essi ammostadas is arrexonis de sa contrariedadi a su fàbricu de su Metanodotu Algeria Sardigna Itàlia, ma s’at a fueddai puru de s’impestadura de su tretu de Portovesme srl e de su movimentu de arrempellada populari a su fàbricu de is radas.

Traballu: in sa provìtzia de Casteddu aumentant is incidentis mortalis. In Sardigna 15 mortus in su 2011

(IlMinuto) – Casteddu, 20 de su mesi de paschixèdda – Mancai sa crisi e s’aumentu de su disimpreu, in is primus 11 mesis in su 2011 is mortus in su traballu in sa provìntzia de Casteddu funt stétius ses, a su dópiu de is registraus in totu su 2010. Su datu, légiu meda, est stétiu fatu connosci de is statisticas de su mesi de s’Osservatóriu Vega Engineering. Sighi a ligi ‘Traballu: in sa provìtzia de Casteddu aumentant is incidentis mortalis. In Sardigna 15 mortus in su 2011′

Teatru Líricu. Lobina (Fds): “Di Benedetto at falliu. Bengat remplasau”

(IlMinuto) – Casteddu, 20 de su mesi de paschixèdda – “Su Pranu industriali prensentau de Gennaro Di Benedetto no andat beni. Est imprecisu e, in sa parti de importu prus mannu est isbagliau”. Cun custus fueddus su consilleri comunali de sa Federatzioni de sa Sinistra in Casteddu, Enrico Lobina, pedit su càmbiu de su sovrintendenti de su Teatru Líricu, in d-una nota firmada puru de su segretàriu provintziali de su PdCi, Fabio Botta, e de su segretàriu de su Tzírculu Prc Togliatti, Giovannino Deriu. Su pranu previdit s’irminorigamentu de sa programatzioni esa  mengua de is stipéndius de is traballadoris. Sighi a ligi ‘Teatru Líricu. Lobina (Fds): “Di Benedetto at falliu. Bengat remplasau”’

Avenimentus: in Aristanis “Gramsci raccontato per immagini”

(IlMinuto) – Casteddu, 20 de su mesi de paschixèdda – Po su 120° anniversàriu de sa nàscida de Antoni Gramsci su Tzentru Serbítzius Culturalis U.N.L.A. de Aristanis, cun s’agiudu de sa Biblioteca Gramsciana Onlus e su Nur s.n.c. at aprontau s’avenimentu “GRAMSCI RACCONTATO PER IMMAGINI”: sa biografia de su comunista sardu atressu de is màginis, de is notas, de is lézidas de Giuseppe Manias. Sighi a ligi ‘Avenimentus: in Aristanis “Gramsci raccontato per immagini”’