> 2011 mes’e paschixèdda 21 | ilMinuto

Archíviu de sa diri 21/12/2011

Pastoria: aundi est su dinai de s’artículu 68?

(IlMinuto) – Casteddu, 21 de su mesi de paschixèdda – Ita fini at fatu su dinai de s’Unioni Europea po is pagamentus prevìdius de s’artículu 68 e chi ant a depi essi fatus in deretura a is pastoris? Est sa pregunta chi de unus cantu cidas si faint is centinas de allevadoris e massarzus de sa provìntzia de Tàtari chi a oi no ant arriciu nudda po sa campannia de su 2010. A denuntziai sa cosa cun d-una nota est sa Coldiretti Tàtari. “A oi – si ligit in sa nota – scéti calencuna azienda at pigau su Prémiu chi ddi spetàt”. Sighi a ligi ‘Pastoria: aundi est su dinai de s’artículu 68?’

Cassa: giai duus mortus e ses fertus in sa staxoni 2011-2012

(IlMinuto) – Casteddu, 21 de su mesi de paschixèdda – De su 2009 su númeru de mortus e fertus po mori de sa cassa est crescendi. Est cantu denuntziant in d-una nota sa Lega po s’abolitzioni de sa cassa, su Grupu de interventu giurídicu e is Amigus de sa terra. In sa staxoni 2011-2012 funt giai duus is mortus e ses is fertus umanus chi at fatu sa cassa in Sardigna. In sa staxoni passada sa cassa iat imbecis fatu cuàturu mortus e 11 fertus. (intre is calis una picioca chi cicàt cardulinu).

Sardigna: 350milla personis bivint in poberesa. Lítera de Cgil, Cisl, Uil a Lombardo

(IlMinuto) – Casteddu, 21 de su mesi de paschixèdda – S’aprou de una lei regionali e de programa in diversus annus contra a sa poberesa in Sardigna. Est cantu pedit una lítera-apellu chi is segretàrius generalis de Cgil, Cisl e Uil Enzo Costa, Mario Medde e Francesca Ticca ant donau ariseru a sa presidenti de su Consillu regionali Claudia Lombardo. Is datus apitzus de s’ecunumia sarda allistaus in sa lítera funt sèmpiri prus grais: su 18,5 po centu de is famílias sardas (350milla personis) bivit in poberesa e funt 15milla is traballadoris chi pigant is amortitzadoris sotzialis. Su pil abasciat de s’1,4 po centu. Sighi a ligi ‘Sardigna: 350milla personis bivint in poberesa. Lítera de Cgil, Cisl, Uil a Lombardo’

Manifestada contra a su ratzismu: in Casteddu in 300 po nai ca no a su ratzismu e a su fascismu agoa de sa destrossa de Firenzi

(IlMinuto) – Casteddu, 21 de su mesi de paschixèdda – “Sa destrossa de is senegalesus, acontéssia in Firenzi in is diris passadas po mori de unu fascista. est stétia filla de sa propaganda manna e mala meda fata de sa dereta italiana contra a is furesteris”. Est cantu si ligit in su follu donau ariseru a merì in Casteddu po sa manifestada contra a su ratzismu promòvia de sa comunidadi de is furesteris de su Senegal. Sighi a ligi ‘Manifestada contra a su ratzismu: in Casteddu in 300 po nai ca no a su ratzismu e a su fascismu agoa de sa destrossa de Firenzi’

Avenimentus: Casteddu fait festa cun su Gospel

(IlMinuto) – Casteddu, 21 de su mesi de paschixèdda – Su 27 de su mesi de paschixèdda, in sa Crésia Madonna de s’Arruga de Mulinu Becciu e su 29 de su mesi de paschixèdda in su Teatru de su Seminàriu Majori de bia Mussennori Cogoni, sémpiri a is 20.30, Castedduat a arrespirai Gospel. Una música chi fait cantai a s’ànima, iscoitat, trisinat e fait baddai. Sighi a ligi ‘Avenimentus: Casteddu fait festa cun su Gospel’