> Avenimentus: cuncertu contra a su ratzismu custumerì in Pauli | ilMinuto

Avenimentus: cuncertu contra a su ratzismu custumerì in Pauli

(IlMinuto) – Casteddu, 22 de su mesi de paschixèdda – Est po oi in Pauli s’atopu contra a sa xenofobia e po s’inclusioni sotziali de su pópulu Rom e de is àterus furestis. Unu merì musicali chi at a cumentzai a is 19.00 in sa Domu de sa Cultura de bia Giulio Cesare 37. Sa festa est aprontada de su comunu de Pauli cun s’agiudu de s’Assótziu Sardu contra a s’assolamentu, cun s’iscopu de no si ndi scaresci de is fatus, acontéssius de pagu, in Firenzi. At essi Antonello Pabis a presentai s’atopu contra a sa xenofobia. S’avenimentu at essi allirgau a gratis de is Arenada, de is Allende, de Guney Africa, de Luca Spanu e Mauro Cannas, de Mucedin Gumus, de Mura Sulejmanovic e de Ridet Seferovic.

© RIPRODUZIONE RISERVATA

0 Arrespustas a “Avenimentus: cuncertu contra a su ratzismu custumerì in Pauli”


Is cummentus funt serraus.