> Galsi: cras sa Sardìnnia in pratza po nai ca no a sa colobra | ilMinuto

Galsi: cras sa Sardìnnia in pratza po nai ca no a sa colobra

(IlMinuto) – Casteddu, 9 de su mesi de paschixèdda – De cuàturu annus istudiant piu e signu e critigant cun datus scientíficus su progetu Galsi: funt is chi faint parti de su “ComitatoProSardegnaNoGasdotto”. Cras ant a pigai parti puru issus a sa manifestada natzionali NoGalsi in programa in Casteddu (10.30, pratza de is Centumilla). Su Comitau – si ligit in d-una nota – “cumbidat a is próprius amigus e  is chi tenit a coru su tempus benidori de sa Sardìnnia a pigai parti a sa manifestada. Sa manifestada est unu mamentu po condivìdiri sa lota, chi si depit biri unius po pediri s’arrespetu de is sardus e s’amparu de s’únicu beni chi s’est abarrau: sa Sardìnnia”. Po su Comitau su metadonotu rapresentat “un’àteru s’isfrégiu malu a is dannus de su territóriu e de is tzitadinus chi no scint nudda de sa cosa”. Sa manifestada No Galsi, promòvia de a Manca pro s’Indipendentzia, at arriciu diversas adesionis*. Su corteu at a tucai de pratza de is Centumilla a is 10.30 po lompi in via Roma, a faci de sa domu de su Consillu regionali.

*Comitato ProSardegnaNoGasdotto
A Manca pro s’Indipendentzia
Sinistra Critica sarda
Partito Comunista dei Lavoratori
Sinistra anticapitalista sarda
Collettivo anticapitalista sardo
Associazione Zirichiltaggia
Comunisti – Sinistra popolare di Cagliari e del Sulcis
Disarmiamoli Sardigna
Cagliari Social Forum
Solarussa in Movimento
Liberta’ Sarda
Comitato Carlofortini Preoccupati
Gruppo Tutti i sardi contro il Galsi
Az.namusn.art (collettivo artistico)
Meetup 31 (Amici di Beppe Grillo in Sardegna)
Claudia Zuncheddu (consigliere regionale)
Massimiliano Mazzotta (regista)

© RIPRODUZIONE RISERVATA

0 Arrespustas a “Galsi: cras sa Sardìnnia in pratza po nai ca no a sa colobra”


Is cummentus funt serraus.