> Master and Back: 247 giòvanus professoneris escludius de is caminus de torrada. “Cappellacci no mantenit is promissa” | ilMinuto

Master and Back: 247 giòvanus professoneris escludius de is caminus de torrada. “Cappellacci no mantenit is promissa”

(IlMinuto) – Casteddu, 6 de su mesi de paschixèdda – Dilusioni manna po is giòvanus de su progetu Master and Back. De is 330 dimandas presentadas de is giòvanus profesioneris e de is aziendas po is caminus de torrada scéti 83 funt intradas in graduatória. “47 giòvanus profesioneris e is aziendas chi ddus su depiant pigai a traballai – si ligit in d-una nota firmada is giòvanus de Master and Back – abarrant duncas a foras de su progetu. E no est acabada innoi, intre pagu tempus ddoi ant essi àterus 240 giòvanus istudiosus e àterus cun sa bidea de fai is funtzionarius de is entis públicus in sa mantessi cunditzioni”. “Eus pediu po duas bortas – sighit su scritu – a su Presidenti Cappellacci si tenit tenni intentzioni de mantèniri una promissa fata de issu etotu su 23 de su mesi de làmpadas passau, candu iat a nau ca chi is aziendas sardas iant ai arrespustu in manera positiva a su bandu Master and Back – Caminus de Torrada 2010-201 […] sa Regioni iat ai “raddopiau is arrisossas po unu programa de importu mannu po s’amanniamentu de s’ecunumia sarda’. Ma no no eus arriciu nisciuna arrespusta”.

© RIPRODUZIONE RISERVATA

0 Arrespustas a “Master and Back: 247 giòvanus professoneris escludius de is caminus de torrada. “Cappellacci no mantenit is promissa””


Is cummentus funt serraus.