> “Sos supermercados bochint s’economia sarda!”, aMpI denuntziat “sa trampa traballu” de is supermercaus « ilMinuto – notizie Mediterranee – edizione Sardegna

“Sos supermercados bochint s’economia sarda!”, aMpI denuntziat “sa trampa traballu” de is supermercaus

(IlMinuto) – Casteddu, 24 de su mesi de gennàrgiu – Unu pisci arrúbiu, su butegheri o produsidori, ingiriau de is piscis nieddus de is supermercaus prontus a ddu scataxai. Est custa sa màgini impitada de a Manca pro s’Indipendentzia po promovi “Sos supermercados bochint s’economia sarda!”, sa campagna chi cumbidat a is sardus a “disertai is tzentrus cumertzialis”. Sa proposta est stétia presentada cida passada in Tàtari, tzitadi – est stéstiu acrarau – “chi s’agatat in su primu postu de sa classífica de isvilupu de is tzentrus cumertzalis e chi primu puru in sa classífica de su disimpreu giovanili cun su 54,3%”. A cantu narat su fascìculu de a Manca is supermercaus si faint fortis gràtzias a sa trampa traballu: centinas de postus de traballu promìtius, ma fintus. “Po s’obertura de Tanit in Tàtari – si ligit in d-una nota – iant essi stetius fatus pagu prus de 600 postus de traballu, […], ma su traballu chi donant is supermecaus po su prus abasciat de meda intru is primus tres mesis de vida, gràtzias a is cuntratus chi assegurant sa possibilidadi de si liberai de is traballadoris agoa de essi stétius pigaus scéti de pagu tempus”.

© RIPRODUZIONE RISERVATA

0 Arrespustas a ““Sos supermercados bochint s’economia sarda!”, aMpI denuntziat “sa trampa traballu” de is supermercaus”


Is cummentus funt serraus.