> 03 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 3/01/2012

Ecunumia: Finantziaria a s’esàminu de sa Commissioni Bilantzu. Medde (Cisl): “Prontus a sa mobilitada po su traballu”

(IlMinuto) – Casteddu, 3 de su mesi de gennàrgiu – Torrat a cumentzai s’anàlisi de sa Finantziaria in Consillu regionali. De custu mangianu sa manuvra 2012 est a s’esàminu de sa Commissioni Bilantzu ghiada de Pietro Fois (Riformatoris). In Consillu regionali funt stétius presentaus 370 emendamentus a sa manuvra, chi previdit 6,958 miliardus de eurus de intradas “chi si podint cambiai”. Su segretàriu de sa Cisl, Mario Medde, pedit de insertai in sa Finantziaria unu “Pranu po su traballu” e amaletzat sa mobilitada. Sighi a ligi ‘Ecunumia: Finantziaria a s’esàminu de sa Commissioni Bilantzu. Medde (Cisl): “Prontus a sa mobilitada po su traballu”’

“Bivi su satu”. 1300 aziendas trisinadas in su progetu de sa Provìntzia de su Campidanu de Mesu. Publicau su bandu nou

(IlMinuto) – Casteddu, 3 de su mesi de gennàrgiu – Lompit a su de cincu annus su progetu “Bivi su satu” promòviu de sa Provìntzia de su Campidanu de Mesu. Po presentai is dimandas po pigai parti a su bandu, publicau in is cidas passadas, ddoi est tempus fintzas a su 13 de su mesi de gennàrgiu. In su 2011 funt stétias 1.300 e prus is aziendas chi ant aderiu a “Bivi su satu”. Sighi a ligi ‘“Bivi su satu”. 1300 aziendas trisinadas in su progetu de sa Provìntzia de su Campidanu de Mesu. Publicau su bandu nou’

“Debressi su registru tumoris”. Petitzioni de su movimentu “Sardegna Virtuosa”

(IlMinuto) – Casteddu, 3 de su mesi de gennàrgiu – Ponni debressi unu Registru regionali de is tumoris po amparai a sa saludi de is tzitadinus sardus. Est cantu pedit a sa Regioni su movimentu culturali “Sardegna Virtuosa”, babu puru de una petitzioni de intregai a su presidenti de sa Giunta Ugo Capepellacci. Su documentu denuntziat a sa “situatzioni mala de sa Sardigna acapiada a is tumoris, leucemias, impestaduras ambientalis e basis militaris” e pedit de portai a càstiu beni sa preséntzia de is patologias de su territóriu. Sa petitzioni citat un’interpellatzioni e una proposta de lei presentadas de Adriano Salis (Idv) cun s’obietivu de otèniri in pagu tempus su registru. Sighi a ligi ‘“Debressi su registru tumoris”. Petitzioni de su movimentu “Sardegna Virtuosa”’

Traballu: su Comunu de Cuartu pigat a 38 giòvanus

(IlMinuto) – Casteddu, 3 de su mesi de gennàrgiu – Imbagas de traballu noas po is giòvanus in cica de impreu chi tenit de mancu de 35 annus e chi funt residentis in Cuartu Sant’Aleni. S’aministratzioni de sa terza tzitadi po númeru de abitantis de sa Sardigna at publicau unu bandu po sceberu públicu de 38 dipromaus e laureaus de pigai po mesu giornada e cun cuntratus de traballu diversus, po su “Pranu de su logu po s’ocupatzioni de is giòvanus”. Sighi a ligi ‘Traballu: su Comunu de Cuartu pigat a 38 giòvanus’

Avenimentus: in Mòguru Jacopo Cullin in “NON RICORDO NULLA!”

(IlMinuto) – Casteddu, 3 de su mesi de gennàrgiu – NON RICORDO NULLA!”, s’ispetàculu allirgu e befianu chi Jacopo Cullin dedicat a s’amada Sardigna sua, at a andai in iscena in su Teatru Comunali de Mòguru su 6 de su mesi de gennàrgiu a is 18.00. In “Non ricordo nulla!” Jacopo, fertu de unu scarescimentu temporàneu, impari a s’amigu suu de sèmpiri Gabriele, intepretau de su comicu Gabriele Cossu, tenit un’atopu in d-unu bar po agatai su modu de sboddiai su scarescimentu de Jacopo. In iscena ddoi ant essi puru tres misicistas de arruga, Maurizio Congiu a su contrabbàsciu, Matteo Gallus a su violinu e Giovanni Mameli a ghitarra. Is tres, ant fai de sa colunna sonora e ant a benni lamaus in prus de un’ocasioni a serrai su tzirollu de is scenixeddas spassiosas. Sighi a ligi ‘Avenimentus: in Mòguru Jacopo Cullin in “NON RICORDO NULLA!”’