> 04 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 4/01/2012

Averiguatzioni P3-eolicu a giudítziu po Cappellacci

(IlMinuto) – Casteddu, 4 de su mesi de gennàrgiu – Aprofitu de ufítziu in sa nómina de Ignazio Farris a sa presidéntzia de s’Agentzia regionali po s’amparu de s’Ambienti de sa Sardigna. Cun custa acusa su presidenti de sa Regioni, Ugo Cappellacci, est stétiu mandau a  giudítziu po s’averiguatzioni P3-eolicu, chi bit trisinaus e torraus a mandai in giudítziu puru Denis Verdini e Marcello Dell’Utri. “Cunfirmu – at cumentau Cappellacci benendi a sciri de sa cosa – sa fidi trancuilla in sa magistadura e sa tzertesa de amostai totu sa curretesa de su traballu miu”. Sighi a ligi ‘Averiguatzioni P3-eolicu a giudítziu po Cappellacci’

Presonis: órdini de spresonamentu befe po unu giòvanu presoneri. Caligaris: “Aerru foras de contu”

(IlMinuto) – Casteddu, 4 de su mesi de gennàrgiu – Annu nou marigosu meda po unu presoneri in su presoni de Buoncammino, in Casteddu. Su 20 de su mesi de paschixèdda A.L., cundennau a 15 annus in su segundu gradu de giudítziu, iat arriciu s’órdini de spresonamentu po sa scadéntzia de sa custodia cautelari in abetu de sa senténtzia de sa Corti de Cassatzioni. Furiat prontu a passai su primu de s’annu in libertadi, cun is familiaris suus, in sa domu de Alà. Su 28 de su mesi de paschixèdda sa nova pagu bella: s’órdini de spresonamentu furiat un’aerru. A.L., si sa Corti de Cassatzioni no at a torrai a biri su giudítziu de segundu gradu, at a depi abarrai fintzas a su primu de su mesi de arbili de su 2014. Sighi a ligi ‘Presonis: órdini de spresonamentu befe po unu giòvanu presoneri. Caligaris: “Aerru foras de contu”’

Ecunumia. Planetta (PSd’az): “In Sardigna sa pública aministratzioni pagat a is impresas cun ses mesis de tardamentu. Sa Giunta fatzat calencuna cosa”

(IlMinuto) – Casteddu, 4 de su mesi de gennàrgiu – In Sardigna is impresas chi traballant po sa pública aministratzioni funt pagadas, su prus de is bias, cun ses mesis e pagu prus de tardamentu, contra a is 27 diris chi s’imprenant in Europa. Est cantu denuntziat cun d-un’interpellatzioni su consilleri regionali de su PSd’Az Efisio Planetta. Su rapresentanti sardista pedit a sa Giunta regionali de assegurai ca is pagamentus a is impresas chi traballant po su cumpartu públicu no binciant is 60 diris. De sa solutzioni de custa chistioni – annotat Planetta – dipendit “s’aguantu de su sistema económicu regionali”. Sighi a ligi ‘Ecunumia. Planetta (PSd’az): “In Sardigna sa pública aministratzioni pagat a is impresas cun ses mesis de tardamentu. Sa Giunta fatzat calencuna cosa”’

Universidadi de Tàtari: su Pcl est èprontu a “aghilliri” su ministru Profumo

(IlMinuto) – Casteddu, 4 de su mesi de gennàrgiu – In su 2012 s’Universidadi de Tàtari fait 450 annus. Po afestai s’anniversàriu su Ministru Francesco Profumo at essi in tzitadi su 16 de su mesi de gennàrgiu po s’inauguratzioni de s’annu académicu. Su Pcl est prontu a “aghilliri” a su rapresentanti de su Guvernu Monti, giai arretori de su Politénnicu de Torinu, e cumbidat a is istudiantis de s’ateneu de su logu a s’uniri a sa protesta cun d-unu paperi. Sighi a ligi ‘Universidadi de Tàtari: su Pcl est èprontu a “aghilliri” su ministru Profumo’

Avenimentus: torrat in Pirri “Capitani coraggiosi”, su teatru po piciocus

(IlMinuto) – Casteddu, 4 de su mesi de gennàrgiu – At a cumentzai domínigu 8 de su mesi de gennàrgiu “Capitani coraggiosi”, s’istaxoni teatrali po piciocus aprontada de Cada Die Teatro. Totus is domínigus is aspetadoreddus ant a agatai acasàgiu in is aposentus de sa “Vetreria” de Pirri. Una novidadi de importu mannu po su 2012 est su progetu “Colora il tuo spettacolo”. Gràtzias a custa idea is pipius ant a podi fai disignus chi ant a benni aparaus po totu sa manifestada. Sighi a ligi ‘Avenimentus: torrat in Pirri “Capitani coraggiosi”, su teatru po piciocus’