> 09 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 9/01/2012

“Abàtiri su Lidu Iride e promovi su logu turismu”. Sa lítera a Cappellacci de ‘Libertà Sarda”

(IlMinuto) – Casteddu, 9 de su mesi de gennàrgiu – Abàtiri s’istrutura de su Lidu Iride, in s’arenàrgiu de Pratamona, e torrai a avalorai su tretu po donai “una bella scidada” a su turismu . Est cantu proponit “Libertà Sarda” cun d-una lítera a su presidenti de sa Regioni, Ugo Cappellacci, a is assessoris a su Turismu, a s’Ambienti e a is Finatzas e a su consilleri regionali Claudia Zuncheddu. “Libertà Sarda” at documentau “Su stadu de abandonu chentza de torrada de su Lidu, tempus fait perella manna de su turismu de su Nord Ovest de sa Sardigna. Lidu fatu de s’impredidori connotu meda Sebastiano Pani”. Sighi a ligi ‘“Abàtiri su Lidu Iride e promovi su logu turismu”. Sa lítera a Cappellacci de ‘Libertà Sarda”’

Casteddu, proponit duas línguas po is arrugas de sa tzitadi. Lobina (Fds): “Scancellai de is nòminis de is bias is fascistas Endrich e Sorcinelli”

(IlMinuto) – Casteddu, 9 de su mesi de gennàrgiu – In is cidas chi benint su Consillu comunali de Casteddu at chistionai de una proposta po afortiai sa cultura sarda cun s’impitu de duas línguas in is nòminis de bias e pratzas tzitadinas, proposta chi imprendat a sa Giunta e a su síndigu a sburrai de is arrugas e de is pratzas unus cantu de figuras istóricas de su fascismu in Sardigna. Apitzus de su tema fueddat Enrico Lobina, consilleri comunali de su Prc in Casteddu, intre is firmatàrius de su documentu. “Donai a is bias nostras is nòminis originalis in sardu – scririt Lobina – iat a agiudai a aguantai biu su códixi linguìsticu chi is casteddaius ant impitau istoricamenti”. Ma po su consilleri de sa Fds torrai a ponni is nòminis originalis a is arrugas e a is pratzas depit essi acumpanzau puru de sa scancellatzioni de personàgius comenti Erricu Endrich, podestadi de Castedu, e a s’industriali Ferruccio Sorcinelli. Sighi a ligi ‘Casteddu, proponit duas línguas po is arrugas de sa tzitadi. Lobina (Fds): “Scancellai de is nòminis de is bias is fascistas Endrich e Sorcinelli”’

110milla personis in pratza in Euskal Herria, aMpI: “Sa boluntadi de su pópulu bascu est crara”

(IlMinuto) – Casteddu, 9 de su mesi de gennàrgiu – Sàbudu a merì 110milla personis ant caminau po is arrugas de Bilbo in Euskal Herria po pediri, intre is àteras cosas, s’annistia generali e apretosa po is presoneris políticus. Intre is dexinas de migliajas de bascus furiant presentis puru numerosas arrapresentantzias de is organizatzionis políticas de is natzionis chentza de istadu. Po sa Sardigna ant manifestau in Euskal Herria grupus a Manca pro s’Indipendentzia e de Sardigna Natzione. Sighi a ligi ’110milla personis in pratza in Euskal Herria, aMpI: “Sa boluntadi de su pópulu bascu est crara”’

“Un’assembrea contra a su fascismu in Casteddu”. S’avisu de su Colletivu Autónomu

(IlMinuto) – Casteddu, 9 de su mesi de gennàrgiu – “Uniri is personis chi funt in su territóriu in d-un’assembrea contra a su fascismu”. Custu s’iscopu de s’atopu aprontau de su Colletivu Autónomu Casteddaiu in programma custu merì in Casteddu a is 21.00 in sa domu de s’assótziu Don Chisciotte, in bia Santu Giacu 117. S’avisu fatu connosci de su Colletivu Autónomu bolit fabricai unu caminu intre is diversas fortzas chi funt arrigheradas in su territóriu contra a su fascismu, cosa sémpiri prus apretosa “agoa de is acontéssias criminalis de Torinu (su fogu a su campu Rom) e Firenzi (morti de is duus senegalesus)”. Su scritu de su Colletivu Autónomu denuntziat a sa preséntzia in su territóriu de partidus e assótzius de s’area de su fascismu nou o comentisiollat ratzista. Sighi a ligi ‘“Un’assembrea contra a su fascismu in Casteddu”. S’avisu de su Colletivu Autónomu’

Avenimentus: in Casteddu “Calendàriu Nàscius po ligi e Nàscius po sa Música”

(IlMinuto) – Casteddu, 9 de su mesi de gennàrigiu – Est po mérculis 11 de su mesi de gennàrigiu a is 9.30 in sa Saba Polifuntzionali de su Parcu de Monti Claro sa presentada de su “Calendàriu Nàscius po ligi e Nàscius po sa Música”. Sa faina at essi aprontada de sa Biblioteca Provìntziali Piciocus, chi at promòviu e cordinau unu grupu de traballu fatu de bibliotecàrius, pediatras, libràjus, musicistas e spertus de literadura po crialla cun s’iscopu de fai su “Calendàriu Nàscius po ligi e Nàscius po sa Música” nou, chi, comenti dónnia annu, at essi imbiau a is asilus po criaduras, a is ambulatórius pediatricus, a is consultórius, a is iscolas po sa pipialla, a is repartus de pediatria de is ispidalis, a is bibliotecas e a is librerias de totu sa Sardigna. Sighi a ligi ‘Avenimentus: in Casteddu “Calendàriu Nàscius po ligi e Nàscius po sa Música”’