> 10 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 10/01/2012

(Italiano) Documento: Il “J’ ACCUSE” di Maddalena Calvisi, insegnante senza stipendio da due mesi (9 gennaio)

Sighi a ligi ‘(Italiano) Documento: Il “J’ ACCUSE” di Maddalena Calvisi, insegnante senza stipendio da due mesi (9 gennaio)’

“No tengu nimancu su dinai po sa binzina”. Maista precària chentza de stipendiu de diversus mesis ponit una tenda in su cortili de s’iscola

(IlMinuto) – Casteddu, 10 de su mesi de gennàrgiu – De duus mesis e prus no arricit su stipendiu e in buxaca no tenit nimancu su dinai netzessàriu po sa binzina po andai a traballai. Est custa s’istória de Maddalena Calvisi, 40 annus, maista precària de Marrùbiu, chi de ariseru a merì at postu una tenda in su cortili de s’iscola aundi traballat: s’Istitutu Ténnicu Sergiu Atzeni de Aristanis. “Podiu sceberai scéti intre s’arrenuntzia a sa suplidura o s’irminorigamentu de is ispesas po su trasportu”, at pretzisau sa maista, chi at a sighiri a bivi in sa tenda fintzas a candu no at a arriciri su chi ddi tocat. Sighi a ligi ‘“No tengu nimancu su dinai po sa binzina”. Maista precària chentza de stipendiu de diversus mesis ponit una tenda in su cortili de s’iscola’

Paolo Villaggio a Rai Tre: In Sardigna pagus pipius? “Pentzu ca medas pastoris si fatzant istórias cun is brebeis”

(IlMinuto) – Casteddu, 10 de su mesi de gennàrgiu – “Primu tui as fatu biri cussa iscrita apitzus de sa Sardigna ca est sa Regioni [aundi ddoi funt prus pagu pipius]. Ma poita? Ecu ddoi est un’arrexoni… Deu pentzu ca medas pastoris (mi dd’ant nau eh! Antzis ddu assignu a tui), si fatzant istórias cun is brebeis”. Est cantu at nau s’atori cómicu e scriidori Paolo Villaggio fueddendi a su condutori televisivu Oliviero Beha in su programa ‘Brontolo‘ de Rai Tre bessiu ariseru a mangianu, 9 de su mesi de gennàrgiu,

“Una comissioni de inchesta asuba de Equitalia”. Is partitas iva ocupant su nonu pranu de sa Regioni

(IlMinuto) – Casteddu, 10 de su mesi de gennàrgiu – Sa lota contra a Equitalia ocupat su Palatzu de sa Regioni. De ariseru in Casteddu unu grupu de ativistas de su Pichetu de s’arburada Trentu, in Casteddu, si funt trasladaus in su nonu pranu de su fàbricu oberrendi un’”Ufítziu po sa difesa de is tzitadinus”. “Is arrexonis de custa atzioni – est acrarau unu videu-comunicau de su movimentu – funt arrexinadas in su distacu inacetàbili de is istitutzionis a sa faci de is chistionis grais chi funt arruinedi su territóriu nostru e chi funt fadendi morri is aziendas nostras”. Sighi a ligi ‘“Una comissioni de inchesta asuba de Equitalia”. Is partitas iva ocupant su nonu pranu de sa Regioni’

Alcoa annutziat sa serradura in Portovesme. Pcl: “Ocupai e bogai is dirigentis”

(IlMinuto) – Casteddu, 10 de su mesi de gennàrgiu – Sa fàbbrica Alcoa de Portovesme at a serrai in is ses mesis chi benint. Ddu ant annutziau ariseru is dirigentis de sa multinatzionali de Pittsburgh. Unu determinu chi fait dannus mannus a s’ecunumia de sa Sardigna e po su prus de su Surcis: funt difatis 800 is operàjus de s’allumíniu chi arriscant de perdi su traballu cun sa serradura de s’Alcoa. Sighi a ligi ‘Alcoa annutziat sa serradura in Portovesme. Pcl: “Ocupai e bogai is dirigentis”’