> 11 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 11/01/2012

“Gettiamo le basi”: “Registru tumoris útili, ma no frimat sa destrossa de is fainas militaris”. In Casteddu sit in po pediri “beridadi e giustítzia”

(IlMinuto) – Casteddu, 11 de su mesi de gennàrgiu – Sighint de mesi in mesi is sit in po pediri “beridadi e giustítzia po is mortus de is belenus de gherra e de poligonu” aprontaus de is comitaus “Gettiamo le basi” e Amparu e de is familiaris de is militaris mortus de tumori. In su mesi de gennàrgiu s’atopu est po domínigu in pratza de su Cramu, in Casteddu, a cumetzai de is 10.00. Sighi a ligi ‘“Gettiamo le basi”: “Registru tumoris útili, ma no frimat sa destrossa de is fainas militaris”. In Casteddu sit in po pediri “beridadi e giustítzia”’

Presonis. Sdr: “In Buoncammino 187 presoneris in prus”

(IlMinuto) – Casteddu, 11 de su mesi de gennàrgiu – Su presoni de Buoncammino in Casteddu de annu in annu sighit a essi prenu meda de presoneris. Funt difatis 187 is ànimas in prus a faci de sa capatzidadi sua ca est de 345 postus a crocai. Ddu denuntziat cun d-una nota Maria Grazia Caligaris, presidenti de s’assótziu “Socialismo Diritti e Riforme” fadendi connosci is datus annoaus a su 31 de su mesi de paschixèdda de su 2011. Sighi a ligi ‘Presonis. Sdr: “In Buoncammino 187 presoneris in prus”’

Alcoa cunfirmat sa serradura de Portovesme, ma in Londra s’allumíniu est prus caru. Sindacaus prontus a sa mobilitada

(IlMinuto) – Casteddu, 11 de su mesi de gennàrgiu – In Portovesme Alcoa serrat. Su determinu de sa multinatzionali de Pittsburgh, cunfirmau ariseru in Casteddu in d-un’atóbiu cun is rapresentantis sindacalis, at lassai chentza de traballu pagu prus de 800 personis in su Surcis. Cgil, Cisl e Uil funt prontus a si mobilitai po difèndiri su traballu. “Lúnis – si ligit in d-una nota de imprenta – s’ant atrumai is segreterias sindacalis po pigai is determinus netzessàrius, si fueddat puru de una mobilitada po difendi sa produtzioni industriali de sa Sardigna, chi bit Alcoa intre is arrichesas fundamentalis”. Su presidenti de sa Regioni, Ugo Cappellacci, at avisau po oi un’atopu apretosu cun su Guvernu asuba de sa contienda. Ma po Vittorio Macrì, consilleri comunali in Crabònia de su Prc-Fds, sa Giunta tenit crupas grais poita “in custus mesis s’est sansiada pellonghendi sa chistioni Alcoa a su 31 de su mesi de paschixèdda de su 2012, no donendi ascurtu a is traballadoris e a is organizatzionis sindacalis chi de diversus mesis, chentza de pàsiu, circat de tenni arta s’atentzioni asuba de su chi acontessint in fàbrica”. Sighi a ligi ‘Alcoa cunfirmat sa serradura de Portovesme, ma in Londra s’allumíniu est prus caru. Sindacaus prontus a sa mobilitada’

Ispidali de Tièsi, is síndigus de su Mejlogu difendint s’istrutura, aMpI: “Serraus is serbítzius fundamentalis”

(IlMinuto) – Casteddu, 11 de su mesi de gennàrgiu – Su Mejlogu difendit s’ispidali de Tièsi. Lúnis, in sa saba Sassu de su comunu in provìntzia de Tàtari, is 16 síndigus de unu territóriu chi tenit pagu prus de 20milla ànimas ant arremaciau un’aterà borta su no a sa serradura de s’istrutura, in d-una batalla cumentzada giai in su 2010 cun s’arregorta de milli e prus de milli adesionis a unu comitau de protesta e cun s’imbiu de una lítera a su chi furiat insara su ministru de sa Sanidadi, est a nai a Fazio. Lúnis in Tièsi ddoi furiat puru s’assessori regionali de sa Sanidadi, Simona De Francisci. Sa rapresentanti de sa Giunta regionali at assegurau ca s’ispidali “No at a serrai, ma antzis at essi afortiau”. Su 2 de su mesi de paschixèdda passau at perou serrau su repartu de Mexina, cosa chi at fatu nasci unu comitau de lota nou. Asuba de sa chistioni fueddat cun d-una nota su diretivu natzionali de aMpI, presenti a s’assembrea. Sighi a ligi ‘Ispidali de Tièsi, is síndigus de su Mejlogu difendint s’istrutura, aMpI: “Serraus is serbítzius fundamentalis”’

Cuncursus: sighint is votatzionis po “Un’emozione per Cagliari”

(IlMinuto) – Casteddu, 11 de su mesi de gennàrgiu – “Un’emozione per Cagliari”, su cuncursu fotograficu asuba de sa “tzitadi bianca”, at tentu una fortuna manna de públicu. Po custu is aprontadoris, VisitaCagliari.it e su T-Hotel, ant determinau de allonghiai sa proa: at essi possíbili sceberai sa fotografia chi si preferit fintzas a su 31 de su mesi de Gennàrgiu. Is 30 fotografias prus votadas ant a benni aparadas, de su 16 de su mesi de fiàrgiu fintzas a su 22 de su mesi de martzu, in is aposentus de su T-Hotel. Sa premiatzioni de “Un’emozione per Cagliari” at essi fata su 22 de su mesi de martzu, diri de acabu de sa mostra. Sighi a ligi ‘Cuncursus: sighint is votatzionis po “Un’emozione per Cagliari”’