> 13 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 13/01/2012

Su Mps cuerelat a Paolo Villaggio

(IlMinuto) – Casteddu, 13 de su mesi de gennàrgiu – Su Mps no pedronat a Paolo Villaggio po is fueddus naus lúnis in sa trasmissioni Brontolo de Reai Tre (ligi sa nova “Paolo Villaggio a Rai Tre: In Sardigna pagus pipius? “Pentzu ca medas pastoris si fatzant istórias cun is brebeis”). “Po amaprai custa parti de sa Sardigna ca est de importu mannu” si ligit in su giassu de su Movimentu, Mps at difatis incarrigau a s’abogau Patrizio Rovelli de cuerelai a Villaggio. Sighi a ligi ‘Su Mps cuerelat a Paolo Villaggio’

Alcoa: oi atopu in Roma. Cuàturu oras de isciòpiru Portovesme. Prc: “Prontus a si movi cun is traballadoris”

(IlMinuto) – Casteddu, 13 de su mesi de gennàrgiu – Sa contienda Alcoa lompit in Roma. Oi a is 11.00, in sa domu de su Ministru de su Isvilupu económicu est difatis in programa un’atóbiu inte su Guvernu, sa Regioni, is sindacaus e is multinatzionalis. S’azienda est sèmpiri prus firma a serrai s’istabilimentu de su Surcis. Po custu oi is traballadoris Alcosa de Protovesme iscioperant po cuàturu oras: de is 10.00 a is 14.00. Apitzus de sa chistioni fueddat cun d-una nota Laura Stochino, segretàriuregionali de su Prc.  Sighi a ligi ‘Alcoa: oi atopu in Roma. Cuàturu oras de isciòpiru Portovesme. Prc: “Prontus a si movi cun is traballadoris”’

“Liberaus a Abdou de s’ispidali psichiàtricu giuditziàriu”. Lúnis cuferéntzia de su comitau “Stop Opg”

(IlMinuto) – Casteddu, 13 de su mesi de gennàrgiu – Acrarai is arrexonis de sa mobilitada in agiudu de su liberamentu de Abdou Lahat Diop de is “arroris” de s’ispidali psichiàtricu giuditziàriu. Custu s’obietivu de sa cuferéntzia de imprenta-atopu públicu avisada de su Comitau sardu “Stop Opg” po lúnis chi benit in Casteddu a is 11.00 in sa domu Asarp (padiglioni E de sa Tzitadi de saludi in bia Romagna). “Abdou Lahat Diop, unu piciocu senegalesu de 30 annus – acrarat su rapresentanti de su comitau Roberto Loddo – cun permissu de firmada in régula poita presoneri políticu, est stétiu giudicau no afatenti a tenni unu protzessu giustu, ma prus adatu a is gàbias e s’arrori de s’ispidali psichiàtricu giuditziàriu”. Po su Comitau s’arrestu, su protzessu e sa perítzia psichiàtrica de su tzitadinu senegalesu funt pagu crarus. Sighi a ligi ‘“Liberaus a Abdou de s’ispidali psichiàtricu giuditziàriu”. Lúnis cuferéntzia de su comitau “Stop Opg”’

“In su Poligonu de ‘Capo Frasca’ bistiàmini isparau a mitralla, maceddau e cotu”. Sa denúntzia de Accame in Vittimeuranio.com

(IlMinuto) – Casteddu, 13 de su mesi de gennàrgiu – “Est stétiu agatau bistiàmini in su tretu innui isparant a mitralla aintru de su Poligonu de ‘Capo Frasca’ i est stétiu fertu de is ballas fatas cun mitallus “pesanti” e duncas de is “nanoparticelle” de cussus etotu. Is bestias agoa funt stétias maceddas e cotas”. Est cantu denuntziat Falco Accame de is pàginis de su giassu Vittimeuranio.com, acrarendi ca custus fatus – scipius de unu testimóngiu chi po imoi at bófiu abarrai cuau – no funt bessius a pillu in sa “bisita, chi s’est tenta pagu tempus fait, de sa Comissimoni parlamentari de inchiesta de su Senau asuba de s’uraniu impoberessiu”. Sighi a ligi ‘“In su Poligonu de ‘Capo Frasca’ bistiàmini isparau a mitralla, maceddau e cotu”. Sa denúntzia de Accame in Vittimeuranio.com’

Avenimentus: in Gonnacodina cunvegnu asuba de is Sardus e sa Resisténtzia

(IlMinuto) – Casteddu 13 de su mesi de gennàrgiu – Is Sardus e sa Resisténtzia: at essi custu su tema de su convegnu chi s’at a tenni su 21 de su mesi de gennàrgiu a is 17.30 in is iscolas Elementaris de Gonnacodina. Tres is relatus in programa: “Is Sardus e sa Resisténtzia: sa figura de su Cumandanti Partigianu Ninu Garau” de Walter Falgio de s’Issra; “Rempellus e partigianus de s’Arta Marmilla”, presentada de Aldo Borghesi de s’Istasac; “Is 17 sardus màrtiris de Sutri: sa figura de Emili Coni”, de Giuseppe Manias de su Bgo. Sighi a ligi ‘Avenimentus: in Gonnacodina cunvegnu asuba de is Sardus e sa Resisténtzia’