> 16 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 16/01/2012

Imparu: unu videogiogu po imparai sa língua sarda

(IlMinuto) – Casteddu, 16 de su mesi de gennàrgiu – Imparai sa língua sarda cun d-unu videogiogu. Est custa s’idea chi movit “Si ses atzudu, Ajò! (Ite b’at… cuadu in dae segus de sa ghenna?)”, su progetu promòviu de is comunus de Sèdilo, Paùlle e Fordongiani. “S’iscopu de su giogu – est acrarau in d-una nota – est su de arregolli totus is soddus, is diamantis e is isteddixeddas de oru […]. Su videogame, totu in língua sarda, est fatu po unu públicu de giovuneddus, ma at a podi essi impitau scéti cun calencunu chi acumpangiat is primus passus de su giogu. Sighi a ligi ‘Imparu: unu videogiogu po imparai sa língua sarda’

“S’atopaus po aprontai sa contriedadi a su Guvernu Monti”. S’apellu de su Casteddu Social Forum

(IlMinuto) – Casteddu, 16 de su mesi de gennàrgiu – Mario Monti at remplasau Silvio Berlusconi a sa ghia de su Guvernu, ma s’ataccu a is diritus de is traballadoris e is ispesas militaris foras de conca e is òperas inútilis e malas comenti sa Tav e su Galsi sighint comenti o peus de primu e cun s’acotzu de “sa chi est sa manca” in Parlamentu. Est cantu pretzisat, cun d-una nota longa, firmada de Salvatore Drago e Rosalba Meloni, su Casteddu Social Forum. Sighi a ligi ‘“S’atopaus po aprontai sa contriedadi a su Guvernu Monti”. S’apellu de su Casteddu Social Forum’

Imparu: 86 adesionis a s’isciòpiru de su fàmini po salvai s’iscola pública

(IlMinuto) – Casteddu, 16 de su mesi de gennàrgiu – Prefessoris, istudiantis e genti “cumpassiva a faci de sa cosa”. Funt giai 86 is adesionis a s’isciòpiru de su fàmini a stafeta po denuntziai sa política de is irminorigamentus chi ferrit a s’iscola pública. Sa cosa, promòvia de su Cordinamentu precàrius de s’Iscola de Aristanis, ad sighiri fintzas a sa metadi de su mesi de fiàrgiu. Su mandau de pagamentu de is istipendius, abarraus agoa, de Madalena Calvisi – sa maista precària chi si furiat abarracada po protesta in su cortili de un’istitutu de Aristanis – no at frimau s’iniziativa. Is adesionis crescint diri po diri. Sighi a ligi ‘Imparu: 86 adesionis a s’isciòpiru de su fàmini po salvai s’iscola pública’

“Unu referendum po s’indipendentzia de sa Sardigna”, cumentzat s’arregorta de is firmas de Malu Entu. Is dúbius de ProgRes e aMpI

(IlMinuto) – Casteddu, 16 de su mesi de gennàrgiu – “Ses de acórdiu comenti bófiu de su diritu de is Natzionis unias a sa conchiasta de sa libertadi de su pópulu sardu cun s’indipendentzia?”. Cun custus fueddus sàbudu passau est stétiu presentau, in d-una cuferéntzia de imprenta in Casteddu, su referendum po s’indipendentzia promòviu de su movimentu Paris–Malu Entu. Intre pagus diris at cumentzai s’arregorta de is firmas po su referendum promòviu – est stétiu acrarau in sa cuferéntzia – asuba de su printzípiu giurídicu e políticu de sa “soverania de is pópulus”. No totus is fortzas indipendentistas pentzant perou ca is tempus siant cumprius po una votatzioni de custu importu. Sighi a ligi ‘“Unu referendum po s’indipendentzia de sa Sardigna”, cumentzat s’arregorta de is firmas de Malu Entu. Is dúbius de ProgRes e aMpI’

Avenimentus: in su Ridotu de su Teatru Massimu “Il paese dell’anima”

(IlMinuto) – Casteddu, 16 de su mesi de gennàrgiu – De mércuis 18 de su mesi de gennàrgiu a su 22 de su mesi de fiàrgiu su Ridotu de su Teatru Massimu at a aghilliri “Il paese dell’anima”: ispetàculus de contus pigaus de Gogol’, Puškin, Dostoevskij, Tolstoj, Cechov, Platonov, ligius e interpretaus de Mariagrazia Bodio, Lia Careddu, Isella Orchis e Cesare Saliu. In totutre merì chi bint comenti protagonista a unu tema a unu autori. Sighi a ligi ‘Avenimentus: in su Ridotu de su Teatru Massimu “Il paese dell’anima”’