> 17 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 17/01/2012

Ping Pong: agoa de tres mesis su Marcozzi Casteddu torrat a binci in A2

(IlMinuto) – Casteddu, 17 de su mesi de gennàrgiu – Bitória in domu po su Ping Pong sardu in su palatzeddu de bia Crespellani. Sàbudu passau sa Marcozzi Casteddu at bintu po 4 a 2 a sa Gs Cral de Roma, in su campionau de serie A2 maschili. Prexau de s’arrasurtau Stefano Curcio, chi no biciàt una partida de ping pong de su 12 de su mesi de totussantus. Sighi a ligi ‘Ping Pong: agoa de tres mesis su Marcozzi Casteddu torrat a binci in A2′

“No eus a permiti chi Abdou bengat portau in s’arrori de s’Opg”. Amanniat sa mobilitada po agiudai a su furesteri arrestau candu furiat fadendi sa pregadoria sua

(IlMinuto) – Casteddu, 17 de su mesi de gennàrgiu – Sighit s’impignu in difesa de is diritus de Abdou Lahat Diop. Ariseru s’acontéssia chentza conca ni peis chi at tocau a su furesteri senegalesu est stétia denuntziada a s’imprenta de Roberto Loddo, boxi de su Comitau sardu “Stop Ospedali Psichiatrici Giudiziari”. “Abdou – at nau Loddo – est unu piciocu senegalesu de 30 annus, chi su 16 de su mesi de paschixèdda de su 2011 at decídiu de pregai. Primu in domu sua e agoa in públicu, in s’arruga chi s’agat intre Ilàrtzi e Abbasànta. Abdou est musulmanu e fait parti de unu bratzu de custa religioni chi si lamat Murid. Candu furiat preghendi est stétiu acostau de unu carabineri, apensamentau chi essit tentu abisóngiu de agiudu. Abdou at arrespustu ca nou. Boliat scéti sighiri a pregai comenti fait sèmpiri. Est a nai in d-una manera meda forti de intensidadi spirituali, chi raramenti podit essi frimada cun d-un’oferta de agiudu o de chistionu. Sighi a ligi ‘“No eus a permiti chi Abdou bengat portau in s’arrori de s’Opg”. Amanniat sa mobilitada po agiudai a su furesteri arrestau candu furiat fadendi sa pregadoria sua’

Presoni de Uda: 40 operàjus chentza de stipendiu de su mesi de totussantus. Sindacaus: “Isciòpiru fintzas a su pagamentu de su dinai depiu”

(IlMinuto) – Casteddu, 17 de su mesi de gennàrgiu – Is 40 operàjus chi traballant a su fàbricu de su presoni de Uda ant a sighiri a fai isciòpiru fintzas a su mamentu de su pagamentu de totus is stipendius. Ddu acrarant cun d-una nota de imprenta Fenal Uil, Filca Cisl, e Fillea Cgil. A cantu narat una nota de sa Prefetura sa sotziedadi Fainas Públicas iat ai assegurau po oi su pagamentu de is stipendius a cumentzai de is de su mesi de totussantus. Sighi a ligi ‘Presoni de Uda: 40 operàjus chentza de stipendiu de su mesi de totussantus. Sindacaus: “Isciòpiru fintzas a su pagamentu de su dinai depiu”’

Universidadi de Casteddu: bullau su statutu de s’Ersu. Css. “S’altivesa no pagat”

(IlMinuto) – Casteddu, 17 de su mesi de gennàrgiu – S’otava Cumissioni de su Consillu regionali de sa Sardigna at bullau su Statutu de s’Ersu de Casteddu. Ddu fait sciri cun d-unu comunicau de imprenta Giacomo Meloni, segretàriu de sa Confederatzioni sindacali sarda, chi de annus meda ndi denunciat s’anomalia. “Su presidenti de sa Cumissioni Carlo Sanjust – scririt Meloni – at cunfirmau cun craresa ca su Statutu de s’Ersu de Casteddu no esistit. Unu Statutu aprovau in su mesi de cabudanni de su 2009 de unu cda chi bidiat sa preséntzia de tres personis imbecis de cincu comenti iat a depi essi. Sighi a ligi ‘Universidadi de Casteddu: bullau su statutu de s’Ersu. Css. “S’altivesa no pagat”’

Cultura: arribat su “Prémiu tzitadi de su líburu 2012″

(IlMinuto) – Casteddu, 17 de su mesi de gennàrgiu – Cun s’annu nou cumentzat su “Prémiu tzitadi de su líburu 2012″, unu prémiu aprontau de s’Assótziu Forum de su líburu, de su Tzentru po su líburu de su Ministeru po is Benis e is Fainas Culturalis e de s’Anci. Podint pigai parti a su “Prémiu tzitadi de su líburu 2012″ totus is comunus ativus in su pranu de promotzioni de su ligimentu. Diversus is obietivus de sa proposta, chi tenit comenti iscopu su de agiudai e promovi is fainas de lézida. Is candidaduras “Prémiu tzitadi de su líburu 2012″ ant a depi lompi a sa Segreteria intru su 29 de su mesi de fiàrgiu de su 2012. Sighi a ligi ‘Cultura: arribat su “Prémiu tzitadi de su líburu 2012″’