> 24 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 24/01/2012

(Italiano) “Movimento dei Forconi”: bloccato accesso alla Saras. La solidarietà di Mps. Libertà sarda: “Manifestazione dannosa e antidemocratica”

Sighi a ligi ‘(Italiano) “Movimento dei Forconi”: bloccato accesso alla Saras. La solidarietà di Mps. Libertà sarda: “Manifestazione dannosa e antidemocratica”’

Protzessu Portovesme srl: oi sa senténtzia. Sit in a faci de su Tribunali de Casteddu

(IlMinuto) – Casteddu, 24 de su mesi de gennàrgiu – Est po oi, agoa de una fibera de atrassaduras, sa senténtzia de su protzessu a su responsàbili de su sistema gestioni ambientali de sa Portovesme srl e a sa responsàbili de sa gestioni arrefudus de su mantessi istabilimentu. Personis acusadas de ai cumandau s’interramentu abusivu de deximilla metrus cubus de arrefudus industrialis de s’azienda – 15.000 tonnelladas de arrefus toscus e noxilis – in is tretus de Setimu, Serramanna e asuta de s’arruga de s’ispidali Businco, in Casteddu. Po sa senténtzia su Comitau “Carlofortini Preoccupati” at promòviu un’àteru sit in de protesta, a faci a s’intrada de su Tribunali de Casteddu, in pratza Repúbrica. Sighi a ligi ‘Protzessu Portovesme srl: oi sa senténtzia. Sit in a faci de su Tribunali de Casteddu’

Imparu: 120 adesionis a s’isciòpiru de su fàmini po no “lassai morri s’iscola”

(IlMinuto) – Casteddu, 24 de su mesi de gennàrgiu – Aumentant is adesionis a s’isciòpiru de su fàmini in difesa de s’istrutzioni pública aprontau de su Comitau precàrius de s’Iscola de Aristanis. A  sa de úndixi diris de protesta funt difatis assumancu 120 is personis chi ant sceberau de no papai po “no lassai morri s’iscola de fàmini”. Oi ant a isciopirai Maddalena Calvisi, Lorena Marceddu, Maria Luisa Loche e Natalina Cardia. Is adesionis ant trisinau totu su territóriu de sa Sardigna e puru tzitadis comenti Roma, Napoli, Salernu e Aretzu. Sighi a ligi ‘Imparu: 120 adesionis a s’isciòpiru de su fàmini po no “lassai morri s’iscola”’

“Sos supermercados bochint s’economia sarda!”, aMpI denuntziat “sa trampa traballu” de is supermercaus

(IlMinuto) – Casteddu, 24 de su mesi de gennàrgiu – Unu pisci arrúbiu, su butegheri o produsidori, ingiriau de is piscis nieddus de is supermercaus prontus a ddu scataxai. Est custa sa màgini impitada de a Manca pro s’Indipendentzia po promovi “Sos supermercados bochint s’economia sarda!”, sa campagna chi cumbidat a is sardus a “disertai is tzentrus cumertzialis”. Sa proposta est stétia presentada cida passada in Tàtari, tzitadi – est stéstiu acrarau – “chi s’agatat in su primu postu de sa classífica de isvilupu de is tzentrus cumertzalis e chi primu puru in sa classífica de su disimpreu giovanili cun su 54,3%”. A cantu narat su fascìculu de a Manca is supermercaus si faint fortis gràtzias a sa trampa traballu: centinas de postus de traballu promìtius, ma fintus. Sighi a ligi ‘“Sos supermercados bochint s’economia sarda!”, aMpI denuntziat “sa trampa traballu” de is supermercaus’

Avenimentus: torrat puru in su 2012 “Ananti de sa ziminera”

(IlMinuto) – Casteddu, 24 de su mesi de gennàrgiu – Est torrau su 20 de su mesi de gennàrgiu passau su festival literàriu spainau “Ananti de sa ziminera”: unu caminu literàriu intre su Montiferru e su Sinis, cun diversus atopus e òspitis. ”Ananti de sa ziminera” 2012 previdit cincu fin’e cida de avenimentus chi “ant a tingi” sa tela literària cun atóbius cun is autoris, una butega de scridura creativa, unu cuncursu literàriu po piciocus, aperitivus a chilómitru zeru e música. Sighi a ligi ‘Avenimentus: torrat puru in su 2012 “Ananti de sa ziminera”’