> 26 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 26/01/2012

Cun “S’úrtima nova” su ligidori est protagonista: de lúnis su progetu nou de “IlMinuto” 100 po centu in sardu

(IlMinuto) – Casteddu, 26 de su mesi de gennàrgiu – Ligi, ascurtai, cumentai e annoditzai dógnia diri novas e avenimentus de Sardigna. Funt custas is carateristicas de ”S’úrtima nova”, su progetu a su 100 po centu in língua sarda chi at a acumpangiai is ligidoris de “IlMinuto” a cumentzai de su 30 de su mesi de gennàrgiu po 45 puntadas. Cun “S’úrtima nova” chini ligit su giornali at a diventai protagonista: de su lúnis a su cenàbara is ligidoris no ant podi scéti ligi e ascurtai is novas, ma ant podi puru espressai in sa língua nostra su parri insoru e  annoditzai a sa redatzioni fatus e avenimentus scriendi in sardu in sa fentana po is cumentus.
Sighi a ligi ‘Cun “S’úrtima nova” su ligidori est protagonista: de lúnis su progetu nou de “IlMinuto” 100 po centu in sardu’

Imparu. Andreozzi (Rossomori): “Ita fait su comunu de Casteddu po salvai is iscolas de su territóriu?

(IlMinuto) – Casteddu, 26 de su mesi de gennàrgiu – Cali iscolas chi s’agatant in su comunu de Casteddu ant essi soprimias de su pranu “dimensionamento scolastico” 2012/2013? Ita pentzat de fai s’aministratzioni comunali de Casteddu po difendi is istitutzionis iscolàsticas de su própriu territóriu e po su prus is chi funt in bixinaus chi tenint istrobus mannus comenti Sant’Elia, Santa Teresa in Pirri e Is Mirrionis? Est cantu pedit, cun dun’interrogatzioni apretosa a s’assessori comunali a s’Istrutzioni, su consilleri comunali de is Rossomori Giuseppe Andreozzi. Sighi a ligi ‘Imparu. Andreozzi (Rossomori): “Ita fait su comunu de Casteddu po salvai is iscolas de su territóriu?’

“Consulta de is movimentus”: ocupaus noi comunus, solidariedadi a is traballadoris Alcoa

(IlMinuto) – Casteddu, 26 de su mesi de gennàrgiu – De is fueddus a is fatus. Fintzas a imoi funt noi is domus de is Comunus ocupadas de sa Consulta de is movimentus agoa de s’assembrea de martis in Tramatza: Crabònia, Domunoas, Teulada, Ollolai, Itiri Cannedu, Nujvi, Biddacidru e Silìcua. Ariseru sa Consulta chi aghillit a su Mps, a su ”Movimento Artigiani e Commercianti Liberi”, a is autotrasportadoris de “Sardegna in movimento”, a Irs,  a Sardigna Natzione Indipendentzia, a su “Movimento Anti-Equitalia”, a su ”Presidio di Viale Trento”, a is “Donne del Digiuno di Viale Trento” e a is “Pratici” at atopau e donau sa solidariedadi a is traballadoris Alcoa chi manifestànt in Casteddu. Sighi a ligi ‘“Consulta de is movimentus”: ocupaus noi comunus, solidariedadi a is traballadoris Alcoa’

Informatzionis: a “Sardegna Uno” liadas is lissentziaduras

(IlMinuto) – Casteddu, 26 de su mesi de gennàrgiu – Is lissentziaduras de is cuàturu giornalistas de “Sardegna Uno”, fatas connosci is primus de s’annu de s’editori Giorgio Mazzella, funt stétias liadas. Ddu fait sciri cun d-unu comunicau de imprenta s’Assótziu imprenta sarda. Martis passau s’editori e is sindacaus ant difatis firmau un’acórdiu chi frimat is lissentziaduras e fait cumentzai is cuntratus de solidariedadi. Sighi a ligi ‘Informatzionis: a “Sardegna Uno” liadas is lissentziaduras’

Avenimetus: in Boàtiri “Sa crannatza boatiresa”

(IlMinuto) – Casteddu, 26 de su mesi de gennàrgiu – At a acabai su 28 de su mesi de gennàrgiu in Boàtiri “Sa crannatza boatiresa”. Cun custu progetu s’Aministratzioni comunali de sa bidda at mandau ainnantis una circa cun s’iscopu de connosci de acanta su traballu de sa bíngia e de su fai su binu de sa crannatza ariseru e oi. Sighi a ligi ‘Avenimetus: in Boàtiri “Sa crannatza boatiresa”’