> 30 « mes’e gennàrgiu « 2012 « ilMinuto – notizie Mediterranee – edizione Sardegna

Archíviu de sa diri 30/01/2012

Su Consillu regionali no si ndi scarescit de Rossella Urru

Ascurta custa nova

(S’úrtima nova) – Casteddu, 30 de su mesi de gennàrgiu – S’acuntéssia de Rossella Urru imbucat in Consillu regionali. Gióbia passau, a tres mesis e prus de su ratu de unu campu disterraus in Algeria, de sa fémina sarda e de duus collegas spagnolus, s’assembrea de bia Roma at aprovau a cuncórdiu unu documentu chi donat inditus pretzisus a su presidenti de sa Giunta regionali. Po su prus su Consillu regionali dimandat a su presidenti de sa Regioni Ugo Cappellacci de sollicitai a su Guvernu italianu a sighiri a si movi atressu de is relatzionis diplomàticas, cun totu is atzionis netzessàrias, po otèniri su liberamentu de Rossella Urru e de is àterus secuestraus. No est acabada innoi: is consilleris pedint a Cappellacci de mandai custu messàgiu a is Guvernus de totus is istadus trisinaus: “Rossella Urru est filla de una terra chi si bolit iscerai comenti terra de paxi e acasàgiu […]. Sighi a ligi ‘Su Consillu regionali no si ndi scarescit de Rossella Urru’

Informatzioni: in Casteddu “Ecran de fumèe”, su film documentàriu apitzus de su GAl

(IlMinuto) – Casteddu, 30 de su mesi de gennàrgiu – Contai sa beridadi, totu sa beridadi, asuba de su Galsi. Est custu s’obietivu de is autoris de “Ecran de fumèe” (Cortina de fumu) su filamu prodúsiu de sa retza “France 3″ e girau puru in Sardigna. Su spricullutu apitzus de su Galsi at essi amostau custu merì in Casteddu (20.00, saba “Saboris de Sardigna”, arburada Colombu 2). Sighi a ligi ‘Informatzioni: in Casteddu “Ecran de fumèe”, su film documentàriu apitzus de su GAl’

“Cabai is manus de s’Alivesi”. Is propostas de Sardigna Natzione po s’ispidali de Itiri Cannedu

(IlMinuto) – Casteddu, 30 de su mesi de gennàrgiu – S’Ispidali de Itiri Cannedu no si tocat! Est custu su pentzu de sa setzioni de Itiri Cannedu de Sardigna Natzione Indipendentzia, chi proponit a sa genti de su logu una fibera de bideas po difenti e po mellorai s’istrutura. Sighi a ligi ‘“Cabai is manus de s’Alivesi”. Is propostas de Sardigna Natzione po s’ispidali de Itiri Cannedu’

“Su Guvernu Monti arrafudat a is operàjus Alcoa su diritu a manifestai in Roma”. Sa denúntzia de su Pcl Sardigna

(IlMinuto) – Casteddu, 30 de su mesi de gennàrgiu – Su Guvernu Monti rafrenat cun sa fortza “dógnia disacórdiu a su programa suu in difesa de is interessus de is bancas e de su capitalismu internatzionali”. Est cantu denuntziat su Pcl de sa Sardigna cun d-una nota de imprenta in difesa de su diritu de manifestai liau de is guvernus Berlusconi e Monti. Sighi a ligi ‘“Su Guvernu Monti arrafudat a is operàjus Alcoa su diritu a manifestai in Roma”. Sa denúntzia de su Pcl Sardigna’

“Pro custa terra rosas e beranos”. Unu bandu de poesias po amentai a Peppinu Mereu

(IlMinuto) – Casteddu, 30 de su mesi de gennàrgiu -

Terra fort’e gentile, custu cantu

est su saludu chi non t’hapo dadu

in s’attu chi, partinde, su piantu

cuss’estremu consolu m’hat negadu. [...] (Peppinu Mereu)

Peppinu Mereu est stétiu unu de is puetas in língua Sarda prus importantis de sa fini de s’Otuxentus. Una vida de abisóngius sa sua: a bintinoi annus sa maladia chi dd’at trumentau totu sa vida fintzas a ddi ndi liai su súlidu,. Comenti donu s’at lassau is òperas suas miríficas. Sa Sardigna amentat una de is boxis suas prus bellas cun su cuncursu de poesia in língua sarda “Pro custa terra rosas e beranos”, aprontau de su Colletivu Peppinu Mereu de Tonara. Sighi a ligi ‘“Pro custa terra rosas e beranos”. Unu bandu de poesias po amentai a Peppinu Mereu’