> Iscola: in Nùgoro is cuntributus po pigai is líburus de iscola « ilMinuto – notizie Mediterranee – edizione Sardegna

Iscola: in Nùgoro is cuntributus po pigai is líburus de iscola

(IlMinuto) – Casteddu, 31 de su mesi de gennàrgiu – S’Ofítziu Pública Istrutzioni de su Comunu de Nùgoro fait sciri ca est obertu su bandu po presentai is dimandas de cuntributu po istudiantis po pigai is líburus de iscola. Podint presentai dimanda de agiudu is scientis de is iscolas médias e de s’iscola superiori iscritus a s’annu iscolàsticu 2011-2012. Is beneficiàrius de su bandu – si ligit in d-una nota – funt “istudiantis chi faint parti de famílias chi po s’annu 2010 apant tentu unu rédditu cantiapari o prus piticu a un’ISEE bàlidu de € 14.650,00″. Is dimandas ant a depi essi presentadas a s’Ofítziu prísia de su Comunu de Nùgoru intru su 29 de su mesi de fiàrgiu e ant a depi essi acumpangiadas de sa dichiara Isee e de is scontrinus de còmpora de is líburus.Po pigai prus scedas apitzus de is cuntributus cuntatai s’Ofítziu Pública Istrutzioni – Graziella Mula, tel. 0784/216841 o Salvatora Moledda, tel.0784/216721.

© RIPRODUZIONE RISERVATA

0 Arrespustas a “Iscola: in Nùgoro is cuntributus po pigai is líburus de iscola”


Is cummentus funt serraus.