> “Ripascimento” de su Puetu. Procuradori de sa Corte de is Contis: “Is responsàbilis de su dannu depint pagai” « ilMinuto – notizie Mediterranee – edizione Sardegna

“Ripascimento” de su Puetu. Procuradori de sa Corte de is Contis: “Is responsàbilis de su dannu depint pagai”

(IlMinuto) – Casteddu, 8 de su mesi de fiàrgiu – Is cundennas grais de primu gradu de sa setzioni sarda de sa Corte de is Contis po is dannus fatus de su “ripascimento” de su Puetu andant cunfirmadas. Est su chi beniat pediu diris fait de su Procuradori generali de sa Corte de is Contis in su protzessu de apellu. S’apellu trisinat a 14 personis intre espertus, consulentis, aministradoris e dipendentis públicus: po su Procuradori depint pagai una parti de s’indennizatzioni - 4,8 milionis de eurus in totu – po is dannus fatus a s’arenàrgiu de Casteddu. Is ambientalistas sardus abetant sa senténtzia.“At essi – si ligit in d-una nota in su giassu de su Grupu de interventu giurídicu – su giugi tzivili a determinai su pagamentu de su dannu e su de is ispesas legalis de is partis tzivilis, intre is calis ddoi funt is assótzius ecologistas Grupu de Interventu giurídicu e Amigus de sa Terra”.

© RIPRODUZIONE RISERVATA

0 Arrespustas a ““Ripascimento” de su Puetu. Procuradori de sa Corte de is Contis: “Is responsàbilis de su dannu depint pagai””


Is cummentus funt serraus.