> 2012 mes’e fiàrgiu 02 | ilMinuto

Archíviu de sa diri 2/02/2012

Sa bitória de Pedru Mele: premiau in San Marino cun su videu chi denuntziat s’ocupatzioni militari de sa Sardigna

Ascurta custa nova

(IlMinuto) – Casteddu, 2 de su mesi de fiàrgiu – Su sderrocu de un’aereu militari chi aterrat amantat su sonu de su bentu e su cantu de is pillonis. Est un’iscena chi s’arrapitit totus is diris de 30 annus a custa parti in sa vida de su pastori protagonista de “Everyday”, su videu chi at biu a Pedru Mele bincidori de “Senz’Appello”: su cuncursu de arti po videus de sa Galleria de Arti Moderna e Contemporanea de sa Repúbrica de San Marino. In cincu minutus de efetu mannu Mele descririt cun abilidadi manna s’ocupatzioni militari de sa Sardigna: s’Ísula aundi su stadu italianu – comenti amentat su riassuntu de s’òpera – at sceberau de ponni su 60% po centu de su demàniu militari. Su prétziu de custa ocupatzioni militari chi nisciunu at dimandau – scririt s’artista in sa presentada de s’òpera – est “una destrossa de civílis, mortus po tumoris […], comenti puru de unu númeru mannu de maladias geneticas”. Sighi a ligi ‘Sa bitória de Pedru Mele: premiau in San Marino cun su videu chi denuntziat s’ocupatzioni militari de sa Sardigna’

Industria in Sardigna: su 9 de su mesi de martzu isciòpiru generali de Cgil, Cisl e Uil

(IlMinuto) – Casteddu, 2 de su fiàrgiu – Mobilitada populari noa in Sardigna. Cgil, Cisl e Uil annuntziant po su 9 de su mesi de martzu chi benit su cuartu isciòpiru generali contra a sa Giunta Cappellacci. Sighi a ligi ‘Industria in Sardigna: su 9 de su mesi de martzu isciòpiru generali de Cgil, Cisl e Uil’

Imparu: in Casteddu e in Nùgoro a gratis po “Manager de s’isvilupu turisticu territoriali”

(IlMinuto) – Casteddu, 2 de su mesi de fiàrgiu – S’at a tenni in Casteddu e in Nùgoro su Master de primu livellu a gratis po “Manager de s’isvilupu turisticu territoriali”. Unu cursu finantziau de sa Regioni Sardigna e aprontau de s’Universidadi Católica de su Coru de Gesusu e de sa facoltadi de Ecunumia de Piacenza. Is letzionis, aprontadas in duas classis diferentis, s’ant a fai in Casteddu e in Nùgoro. Po s’iscriri a su Master ddoi est tempus fintzas a s’8 de su mesi de fiàrgiu. Sighi a ligi ‘Imparu: in Casteddu e in Nùgoro a gratis po “Manager de s’isvilupu turisticu territoriali”’

Assótzius: in Pòrtu Turre sa presentada de “Libertà Sarda”

(IlMinuto) – Casteddu, 2 de su mesi de fiàrgiu – “Libertà Sarda” si presentat. Sabàdu chi benit in Pòrtu Turre (16.00, Saba Museu de su Mari) s’assótzius at amostai su progetu de traballu suu a is tzitadinus, cun s’avansada de “cuntribuiri a mellorai su territóriu nostru, atressu de su fàbricu de unu tempus benidori prus bellu”, acrarendu s’”abisóngiu de indipendentzia de sa Sardigna”. Sighi a ligi ‘Assótzius: in Pòrtu Turre sa presentada de “Libertà Sarda”’

Tzínema: in Igrèsias sa VII editzioni de su Mediterràneu Filmfestival in amentu a Vittorio Arrigoni

(IlMinuto) – Casteddu, 2 de su mesi de fiàrgiu – Est cumentzau su 25 de su mesi de gennàrgiu passau in Igrèsias su Mediterràneu Filmfestival. S’editzioni de su 2012 de s’avenimentu, ca atressu de su tzínema contat is istórias de is pópolus de su Mediterràneu, is culturas e is realidadis de is bixinus nostrus, est dedicada a Vittorio Arrigoni: s’ativista, reporter e scriidori mortu in Gaza su 15 de su mesi arbili passau. Seminàrius, atopus, mostras e proietzionis funt is ingredientis a cundimentu de su Mediterràneu Filmfestival de su 2012. Sighi a ligi ‘Tzínema: in Igrèsias sa VII editzioni de su Mediterràneu Filmfestival in amentu a Vittorio Arrigoni’