> 2012 mes’e fiàrgiu 03 | ilMinuto

Archíviu de sa diri 3/02/2012

Su Tar donat arrexoni a is comitaus. Nisciunu radar in Santu Antiogu, Frùmini Mayori, Tresnuraghes e Argentiera

Ascurta custa nova

(S’úrtima nova) – Casteddu, 3 de su mesi de fiàrgiu – Is comitaus No radar de sa Sardigna ant bintu una batalla de importu mannu. Is radar de sa Guardia de Finanza de Santu Antiogu, Frùmini Mayori, Tresnuraghes e Argentiera no ant essi postus: ni oi ni mai. Est cantu acrarat sa senténtzia de su Tar de sa Sardigna depositada su 27 de su mesi de gennàrgiu passau. Su documentu – intre is àteras cosas – amentat ca su Ministeru de is Infrastruturas at arritirau is permissus donaus in su mesi de fiàrgiu de su 2011. Duncas no est prus possíbili niscinu recursu contra sa frimada de custus radar. Ma sa Guardia de finanza at giai staxau àterus logus aundi ponni is aparícius: Casteddu, Carluforti, Crabas e S’Alighera. “In custus territórius – si ligit in d-una nota – su movimentu No radar Sardigna est cumentzendi una campagna de scedas, de mobilitadas e de trisinamentu de sa comunidadi po impidiri su fàbricu de is radar”. Sighi a ligi ‘Su Tar donat arrexoni a is comitaus. Nisciunu radar in Santu Antiogu, Frùmini Mayori, Tresnuraghes e Argentiera’

Ispetàculus: in Casteddu su tzínema de Nanni Moretti (cun Nanni Moretti)

(IlMinuto) – Casteddu, 3 de su mesi de fiàrgiu – De “Deu no seu autàrchicu” as “Habemus papam”. Po tres diris, de oi fintzas a domínigu, su “Spazio Odissea” de Casteddu at a aghilliri “Atastus de Sacher: su tzínema de Nanni Moretti”, una rassegna chi at presentai unus cantu film de s’atori: de is primus cortometràgius a is prus famosus “Palombella arrúbia” e “Sa missa est acabada”. Sighi a ligi ‘Ispetàculus: in Casteddu su tzínema de Nanni Moretti (cun Nanni Moretti)’

Supermercaus: a Manca apitzus de afàriu Tanit in Tàtari

(IlMinuto) – Casteddu, 3 de su mesi de fiàrgiu – “A pagu diris de sa tucada de sa campagna ‘Sos supermercados bochint s’economia sarda’ si benit a sciri ca 36 personis, cun incàrrigus políticus de importu mannu, funt acusadas de essi conis in s’afàriu Tanit: consilleris comunalis, aministradoris e apaltadoris funt trisinaus in d-un’istória de tentada concussioni, tentada corrutzioni, aprofitu de ofítziu”. Est cantu scririt in d-unu comunicau a Manca pro s’indipendentzia. Sighi a ligi ‘Supermercaus: a Manca apitzus de afàriu Tanit in Tàtari’

Universidadi: bandu afitu-domu po is istudiantis chi s’agatant a foras de sa Sardigna. Dimandas intru su 6 de su mesi de fiàrgiu

(IlMinuto) – Casteddu, 3 de su mesi de fiàrgiu – Est stétiu publicau su bandu regionali 2011/2012 po assignai is cuntributus afitu-domu a is istudiantis sardus chi istudiant in is ateneus chi s’agatant a foras de sa Sardigna. Po s’agiudu a isistudiantis ddoi funt 320.778,70 eurus: su cuntributu no at a podi essi prus mannu de 2.500 eurus a personi. Sighi a ligi ‘Universidadi: bandu afitu-domu po is istudiantis chi s’agatant a foras de sa Sardigna. Dimandas intru su 6 de su mesi de fiàrgiu’

Teatru: in su Massimu torrat sa Prosa Manna cun Duus de Nos

(IlMinuto) – Casteddu, 3 de su mesi de fiàrgiu – At a cumentzai s’8 de su mesi de fiàrgiu a is 20.45 sa prosa in manna de su Tatru Massimu de Casteddu. Is protagonistas de su terzu atopu de su 2012, sa cumédia Duus de Nos de Michael Frayn, ant essi Lunetta Savino e Emilio Solfrizzi. S’ispetàculu, dirìgiu de Leo Muscato, primitziat po sa Prosa Manna de su Massimu po sa primu borta in Sardigna. Sa pièce Duus de Nos s’at a benni torrai a bessiri fintzas a su 12 de su mesi de fiàrgiu. Sighi a ligi ‘Teatru: in su Massimu torrat sa Prosa Manna cun Duus de Nos’