> 07 « mes’e fiàrgiu « 2012 « ilMinuto – notizie Mediterranee – edizione Sardegna

Archíviu de sa diri 7/02/2012

Is 71 mortus de sa sindrome de Cuirra. Sa denúntzia de su Comitau “Gettiamo le basi”

Ascurta custa nova

(S’úrtima nova) – Casteddu, 7 de su mesi de fiàrgiu – Funt assumancu 30 is militaris chi ant traballau in su Poligonu de Cuirra mortus po mori de mlàdias acapiadas a su serbítziu fatu. Est cantu denuntziat cun d-una nota su Comitau “Gettiamo le basi”. Po su Comitau ghiau de Mariella Cao su mortu númeru trinta, est unu militari pugliesu chi s’at lassau una cida fait po mori de unu tumori, e chi iat traballau in su Poligonu de su 1966 a su 1972. Ma is militaris, si scit, no funt is ùnicus a nci passai: a cantu narant is tzifras de su Comitau funt assumancu 41 is tzivilis fertus de sa sindrome de Cuirra. Su Comitau sighit a lotai contra a s’ocupatzioni militari de sa Sardigna. Sighi a ligi ‘Is 71 mortus de sa sindrome de Cuirra. Sa denúntzia de su Comitau “Gettiamo le basi”’

Traballu: sa Provìntzia de Casteddu sceberat 13 “mediatori”

(IlMinuto) – Casteddu, 7 de su mesi de fiàrgiu – Imbaga de traballu noa po is “mediatori” linguìsticus e culturalis. Sa provìntzia de Casteddu sceberat difatis 13 professioneris espertus in língua (3), ingresa (2), russa (2), ispagnola (2), cinesa (2), francesa (2) e serbo-croata bosniaca (1). Is candidaus depint essi tzitadinus furesteris o tzitadinus de àterus stadus chi ant pigau sa tzitadinàntzia italiana. Sighi a ligi ‘Traballu: sa Provìntzia de Casteddu sceberat 13 “mediatori”’

Tuvixeddu. Todde e aMpI: “Cun Zedda torrat su ciumentu”

(IlMinuto) – Casteddu, 7 de su mesi de fiàrgiu – “Cun sa Giunta Zedda Tuvixeddu aghillit su ciumentu”. Custu su títulu de s’artículu, publicau ariseru in sa Nuova Sardegna e scritu de Giorgio Tedde chi denuntziat s’iscunsunàntzia de su síndigu Massimo Zedda apitzus de sa chistioni. De consilleri regionali, amentat Todde, Zedda iat firmau un’apellu po frimai calisisiat fàbricu in s’area de Tuvixeddu-Tuvumannu. De síndigu de Casteddu – acrarat s’iscriidori – aprovat sa torrada a su ciumentu ingíriu a sa necropoli, mancai po sa cosa ddoi siat una senténtzia pretzisa de su Consillu de Istadu. Aici, a cantu narat sa delíbera de s’11 de su mesi de gennàrgiu, “a pagu metrus de is tumbas s’ant a podi fabricai palatzinus e arrugas”. Apitzus de su tema fueddat cun d-una nota a Manca pro s’Indipendentzia. Sighi a ligi ‘Tuvixeddu. Todde e aMpI: “Cun Zedda torrat su ciumentu”’

Política: in Casteddu sit in de su Pcl po “nci bogai a Cappellacci”

(IlMinuto) – Casteddu, 7 de su mesi de fiàrgiu – “Nci bogai Cappellacci e a totu su Consillu regionali”. Est s’obietivu de su sit aprontau de su Pcl po custu mangianu in Casteddu. S’atopu est a is 10.00 in bia Roma, a faci de s’intrada de su Consillu. Su Pcl cumbidat a is sardus a nai ca no a s’alleàntzia de totu is fortzas políticas e sotzialis in difesa de sa Sardigna chi “Is sindacaus cunfederalis. s’opositzioni frassa de su tzentrumanca (Pd, Sel, Idv)” donant a Cappellacci. Sighi a ligi ‘Política: in Casteddu sit in de su Pcl po “nci bogai a Cappellacci”’

Mostras: in Igrèsias “TOY CAMERA>VOLTI E DETTAGLI IN HIPSTAMATIC”

(IlMinuto) – Casteddu, 7 de su mesi de fiàrgiu – Est stétia oberta sàbudu passau in Igrèsias (Sabas po is aparadas ex Iscolas Maschili) sa mostra de fotografia fata cun s’Hipstamatic, su programa po iPhone chi permitit de fai màginis chi parrint fatas cun màchinas fotograficas a pellícula. “TOY CAMERA>VOLTI E DETTAGLI IN HIPSTAMATIC”, aprontada de Cristina Muntoni, nascit de una bidea de s’assótziu culturali Cinematic Art cun s’agiudu de s’assótziu Remo Branca e cun s’apógiu de s’Assessorau a sa Cultura de su comunu de Igrèsias. 80 is fotografias innovativas fata de màginis stravanadas, caboris àcidus tipicus de is annus ’80. Sighi a ligi ‘Mostras: in Igrèsias “TOY CAMERA>VOLTI E DETTAGLI IN HIPSTAMATIC”’