> 2012 mes’e fiàrgiu 09 | ilMinuto

Archíviu de sa diri 9/02/2012

Amanniat sa gana de língua sarda in s’Universidadi de Tàtari

Ascurta custa nova

(S’úrtima nova) – Casteddu, 9 de su mesi de fiàrgiu – Funt milli e prus is firmas de is istudiantis de s’Ateneu tataresu asuba de sa petitzioni po ponni s’imparu de sa língua sarda cumentzedi giai de is iscolas po sa crialla e po formai a is professoris de sardu cun duus cursus de laurea nous: Isciéntzias de sa Formatzioni primaria in língua sarda e Língua e Literadura sarda. Su documentu pedit puru de istituiri un’esamu de “Língua sarda” in dógnia cursu de laurea. Sa petitzioni at essi imbiada intru de pagu tempus a su Retori de s’Universidadi de Tàtari, a su Presidenti de sa Regioni Sardigna, a s’Assessori regionali de sa Pública Istrutzioni e a su Consillu regionali. Aprontadoris de sa proposta funt is istudiantis de s’assótziu Su Majolu, chi ant presentau s’arragorta de is firmas cun d-una lítera oberta in sardu e in italianu mandada a totus is professoris de s’Universidadi de Tàtari. Sighi a ligi ‘Amanniat sa gana de língua sarda in s’Universidadi de Tàtari’

27 diris de giaúngiu po no lassai “morri de fàmini” s’iscola. Sa solidariedadi de is Cobas

(IlMinuto) – Casteddu, 9 de su mesi de fiàrgiu – Sighit su giaúngiu a stafeta po no lassai “morri de fàmini” s’iscola pública. Sa cosa promòvia de su Cordinamentu precàrius de Aristanis est lòmpia a su de 27 diris. Fintzas a imoi ant pigau parti a sa mobilitada 150 personis e prus – oi no papant Sara Calvisi, Maria Antonia Sedda e Danila Simonetti – i est arribada puru sa solidariedadi de is Cobas. Sighi a ligi ’27 diris de giaúngiu po no lassai “morri de fàmini” s’iscola. Sa solidariedadi de is Cobas’

“Fortza Ro”. In Abas Su Masu conertus po pediri su liberamentu de Rossella Urru

(IlMinuto) – Casteddu, 9 de su mesi de fiàrgiu – Sa Sardigna no si ndi scarescit de Rossella Urru. A tres mesis e mesu de su ratu aumentant is manifestadas po amentai s’acuntéssia de sa coperanti sdorrobada de unu campu disterraus Sarahawi in Algeria. Sighi a ligi ‘“Fortza Ro”. In Abas Su Masu conertus po pediri su liberamentu de Rossella Urru’

“In Casteddu nisciuna manifestada fascista su 25 de su mesi arbili”, s’apellu de s’Anpi a is autoridadis

(IlMinuto) – Casteddu, 9 de su mesi de fiàrgiu – Su Prefetu, su Cuestori e su Síndhigu de Casteddu depint stolli a is grupus fascistas de amprontai manifestadas in tzitadi su 25 de su mesi de arbili. Est custu su chi narat s’apellu chi s’Anpi de sa Provìntzia de Casteddu at mandau in is diris passaus a is tres autoridadis. In sa tzitadi de Casteddu – denuntziat s’assótziu – po su 25 de su mesi de arbili “grupus fascistas connotus beni aprontant de annus manifestadas agraviadoras po afestai sa Reprúbica fascista de Salò, e própriu in sa diri dedicada a su liberamentu de su nazifascismu. Sighi a ligi ‘“In Casteddu nisciuna manifestada fascista su 25 de su mesi arbili”, s’apellu de s’Anpi a is autoridadis’

Teatru: in Tàtari Elias Portolu de Grazia Deledda

(IlMinuto) – Casteddu, 9 de su mesi de fiàrgiu – Ant a andai in iscena cenàbara 10 de su mesi de fiàrgiu in Tàtari a is 21.00, in sa saba Concertus de su Teatru Giuseppe Verdi, s’Elias Portulu deleddianu. Intre fueddus e música s’ispetàculu at a biri in iscena nòminis mannus. Sa boxi chi contat de s’atori Gianluca Medas e sa chi recitat de s’atora Astrid Meloni ant a donai vida a unu de is romanzus prus bellus de sa scritora sarda. Sa rapresentatzioni at essi acumpangiada de is notas musicalis de Andrea Congia a sa ghitarra clàssica e de Carlo Boeddu a su sonetu “diatonico”. Sighi a ligi ‘Teatru: in Tàtari Elias Portolu de Grazia Deledda’