> 10 « mes’e fiàrgiu « 2012 « ilMinuto – notizie Mediterranee – edizione Sardegna

Archíviu de sa diri 10/02/2012

No s’eus a lassai ‘alluxerrai’ de is pannellus solaris. In Arborea sa denúntzia de su Comitau “No a su Progetu Lianora”



(S’úrtima nova) – Casteddu, 10 de su mesi de fiàrgiu – “Est possíbili chi is aministradoris nostrus s’interessint de presentai a sa genti de su logu una dita chi ponit pannellus solaris mentris sighint a evitai calisisiat chistioni aundi si fueddit de su pertusamentu de su territóriu de Arborea po circai su gas?”. Est custa sa pregunta chi su Comitau cívicu “No a su Progetu Lianora” fait, atressu de una nota, a s’aministratzioni de sa bidda in provìntzia de Aristanis. Comenti est possíbili – pedit su Comitau – ca ariseru su Comunu apat aprontau po ariseru etotu un’assembrea pública po presentai su progetu “Soli in Domu” e no apat mai amostau a is tzitadinus s’idea de sa Saras? Po su Comitau is contus no torrant. Sighi a ligi ‘No s’eus a lassai ‘alluxerrai’ de is pannellus solaris. In Arborea sa denúntzia de su Comitau “No a su Progetu Lianora”’

“Galsi frimau de problemas ténnicus i económicus”. Comitau NoGasdotto: “Òpera in decadéntzia”

(IlMinuto) – Casteddu, 10 de su mesi de fiàrgiu – “Problemas ténnicus i económicu funt frimendi su fàbricu de su Galsi”. Est cantu scriri s’agentzia Reuters su 6 de su mesi de fiàrgiu cumentendi is fueddus de su Ministru de s’Energia algerinu Youcef Yousfi a su giornali El Khabar. “Po su progetu Galsi – at decrarau su ministru – is sótzius funt abetendi is cunditzionis económicas e ténnicas netzessàrias”. Is dichiaras de su rapresentanti de su Guvernu algerinu, chi no at acrarau cali siant is chistionis económicas e ténnicas, funt stétias cumentadas de su Comintau “ProSardegnaNoGasdotto”. Sighi a ligi ‘“Galsi frimau de problemas ténnicus i económicus”. Comitau NoGasdotto: “Òpera in decadéntzia”’

“Sa Sardigna si pedit agiudu, dda depeus ascurtai”. Su 4 mesi de martzu manifestada in Aristanis

(IlMinuto) – Casteddu, 10 de su mesi de fiàrgiu – Nai ca no a is basis e a is radar in Sardigna, as is “surcus chímicas”, a su Galsi, a s’impestadura e a su mantessi tempus difèndiri su traballu in s’Ísula. Funt custus is obietivus de sa manifestada chi s’at fai su 4 de su mesi de martzu in Aristanis (ora e logu de atopu funt de detzídiri tambeni). “Sa mama terra nostra – scririt su Comitau 4 martzu – si pedit agiudu e nos comenti fillus dda depeus ascurtai”. Sighi a ligi ‘“Sa Sardigna si pedit agiudu, dda depeus ascurtai”. Su 4 mesi de martzu manifestada in Aristanis’

30 diris de ocupatzioni po difendi s’ispidali de Itiri Cannedu. Meloni (Css): “A ddu serrai iat essi una fura”

(IlMinuto) – Casteddu, 10 de su mesi de fiàrgiu – Lompit oi a fai unu mesi s’ocupatzioni de s’ispidali Alivesi de Itiri Cannedu de parti de unu grupu de militantis de Sardigna Natzione. Una batalla po sa difesa de su diritu a sa saludi de is sardus acotzada puru de sa Confederatzioni sindacali sarda. Sighi a ligi ’30 diris de ocupatzioni po difendi s’ispidali de Itiri Cannedu. Meloni (Css): “A ddu serrai iat essi una fura”’

Líburus: in Aristanis “Dógnia Mama” de Savina Dolores Massa

(IlMinuto) – Casteddu, 10 de su mesi de fiàrgiu – Custu merì a is 18.00, in is aposentus de su Tzentru Serbítzius Culturalis de bia Carpaccio 9 de Aristanis, s’at a fueddai de líburus e po sa pretzisioni de s’òpera de Savina Dolores Massa “Dógnia Mama”, bessiu cun is editzionis Il Maestrale. S’avenimentu, aprontau de sa Libreria Mondandori, de s’assótziu Culturali pARTIcORali e de su Tzentru Serbítzius Culturalis de Aristanis at a tenni comenti reladoris a Anna Maria Capraro, Silvana Cintorino e Marcello Marras. Sighi a ligi ‘Líburus: in Aristanis “Dógnia Mama” de Savina Dolores Massa’