> 2012 mes’e fiàrgiu 13 | ilMinuto

Archíviu de sa diri 13/02/2012

Sardigna a su votu. Referendum po mudai o demagogia?

(S’úrtima nova) – Casteddu, 13 de su mesi de fiàrgiu – In beranu is sardus ant essi lamaus a votai is dexi referendum promòvius de su Movimentu referendàriu e autorizaus de s’Ofítziu regionali. Is aprontadoris de is dimandas – chi in 20 diris ant pigau pagu prus de 30milla firmas – puntant a ndi liai is Provìntzias sardas bécias e noas, a amenguai su númeru de is consilleris regionalis a 50, a fai torrai a scriri su Statutu de sa Sardigna de un’assembrea costituenti, a s’eletzioni direta de su Presidenti de sa Regioni atressu de is primarias, a ndi liai is Consillus de aministratzioni de is entis e de is agentzias de sa Regioni. A su mamentu is partitus chi funt in Consillu regionali no ant pigau nisciuna positzioni ufitziali apitzus de is referendum chi s’ant a tenni custu beranu. Faint ecetzioni is Riformadoris, grupu chi est intre de is aprontadoris de su progetu. “Imoi – at nau Massimu Fantola – teneus sa possibilidadi bera de mudai sa Sardigna”. Sighi a ligi ‘Sardigna a su votu. Referendum po mudai o demagogia?’

“Una professioni lamada Europa” In Casteddu su cursu aprontau de Tdm 2000

(IlMinuto) – Casteddu, 13 de su mesi de fiàrgiu – Donai is cumpeténtzias netzessàrias po diventai professoneris de sa progetatzioni europea. Est custu s’iscopu de sa terza editzioni de su cursu “Una professioni lamada Europa”, aprontau de Tdm 2000. “In su cursu chi s’at a tenni su 17, 18 e 25 de su mesi de fiàrgiu e su 3 de su mesi de martzu in Casteddu – si ligit in d-unu comunicau – ant essi afrontaus is temas prus importantis de sa progetatzioni Europea, est a nai comenti pigai dinai, comenti fai s’anàlisi de is bandus comunitàrius e comenti programai e gestiri is risorsas”. Sighi a ligi ‘“Una professioni lamada Europa” In Casteddu su cursu aprontau de Tdm 2000′

Sanidadi: su Tar bullat is irminorigamentus a is pranus de sa 162. Si ndi prexat su Comitau po s’apricu de sa lei

(IlMinuto) – Casteddu, 13 de su mesi de fiàrgiu – S’irminorigamentu a is finatziamentus de is pranus ad personam de sa lei 162 est straviau. Cun d-una senténtzia de una pariga de diris fait su Tar de sa Sardigna at difatis frimau sa delíbera de sa Giunta regionali chi donàt is finatziamentus castiendi a su réditu de sa família imbecis de pigai in cunsidériu su réditu de su malàdiu: unu determinu chi portàt a s’irminorigamentu grai de su finantziamentu de tantis progetus. Su “Comitau de is famílias po s’apricu de sa lei 162″ si ndi prexat. Sighi a ligi ‘Sanidadi: su Tar bullat is irminorigamentus a is pranus de sa 162. Si ndi prexat su Comitau po s’apricu de sa lei’

“IS LÚNIS DE SA POESIA”: in S’Alighera Alvau ligit a Paolucci

(IlMinuto) – Casteddu, 13 de su mesi de fiàrgiu – [...] Sa nébida s’imprentat comenti mudesa asuba de sa peddi mia, m’imboddiat intre is bratzu suus fridus. Mi spollincat de is caboris, mi ndi lat s’aidu. [...] [Anna Cinzia Paolucci 'LA CASA DINS LA BOIRA (NELLA NEBBIA)']

Custumerì, a is 19.30 in is aposentus de sa saba Manno de bia Marconi in S’Alighera torrat s’atopu cun “IS LÚNIS DE SA POESIA”. Comenti sèmpiri su protagonista de is recitals at essi Pier Luigi Alvau. Custa cida sa boxi sua frima e forti at a interpretai is versus de Anna Cinzia Paolucci, artista chi at sceberau de impitai su catalanu de S’Alighera po sa poesia sua. Sighi a ligi ‘“IS LÚNIS DE SA POESIA”: in S’Alighera Alvau ligit a Paolucci’