> 2012 mes’e fiàrgiu 14 | ilMinuto

Archíviu de sa diri 14/02/2012

“Liberai a Rossella”. De Craudia Zuncheddu un’apellu a s’imprenta africana e internatzionali

(S’úrtima nova) – Casteddu, 14 de su mesi de fiàrgiu – “Liberai debressi a Rossella e torraidedda a su pópulu sardu o a su pópulu saharawi. Po issa at essi sèmpiri família. Inch Allah”. Cun custus fueddues si serrat s’apellu po su liberamentu de Rossella Urru e de is ostàgius ispagnolus chi su consilleri regionali de is Indipendentistas, Craudia Zuncheddu, at imbiau a s’imprenta africana e internatzionali: unu comunicau crutzu scritu in italianu, arabu, francesu e ingresu. In su documentu Zuncheddu pretzisat  ”s’istória cumpassiva” de poderiu coloniali chi acomunat a is duus pópulus, acapiaus de raportus de afradiamentu.

Sighi a ligi ‘“Liberai a Rossella”. De Craudia Zuncheddu un’apellu a s’imprenta africana e internatzionali’

“Gettiamo le basi”: “Ferenus de gherra? Depit essi remborsau totu su pópulu sardu”

(IlMinuto) – Casteddu, 14 de su mesi de fiàrgiu – “Pediri beridadis e giustítzia po is mortus po mori de is ferenus de gherra e de poligonu”. Cun custa dimanda su mesi de argiolas passau su Comitau “Gettiamo le basi” e s’Assótziu de is militaris mortus cabant in pratza in Casteddu dógnia 15 de su mesi”. S’atopu de cras est po is 10.00 in pratza de su Cramu. Is manifestantis ant pediri un’atóbiu cun su rapresentanti de su Guvernu in Sardigna. “De su Guvernu – si ligit in d-una nota – boleus sa frimada de is fainas de is poligonus aundi si funt registradas is maladis de gherra”. Sighi a ligi ‘“Gettiamo le basi”: “Ferenus de gherra? Depit essi remborsau totu su pópulu sardu”’

Lei 44 de su 1988: in Uda pichetu po frimai su dispatzu de Salvatore e Maria

(IlMinuto) – Casteddu, 14 de su mesi de fiàrgiu – Impediri ca sa lei regionali 44 de su 1988 sugat a fai dannus malus intre is massarzus sardus. Cun custu obietivu oi in Uda est in programa unu pichetu po stresiai su dispazu de Maria e Salvatore de sa domu bendia a s’asta po podi pagai su dépitu fatu cun is bancas: un?acuntéssiia chi s’amentat sa de sa família Sairu in Terra Segada. “Candu sa Giunta Regionali at ‘congruiu’ sa contienda de sa 44 – si ligit in d-una nota – sa possidéntzia de Uda furiat giai stétia bendida asuta de prétziu a s’asta: 60milla eurus a faci de is 250milla de dépidu assumau”. Sighi a ligi ‘Lei 44 de su 1988: in Uda pichetu po frimai su dispatzu de Salvatore e Maria’

In Sardigna duus atopus cun su Flamencu

(IlMinuto) – Casteddu, 14 de su mesi de fiàrgiu – su falmencu, traditzionali e música dantza ade s’Andalusia, lompit in Sardigna. Duus funt difatis is atopus prevìdius, su 16 de su mesi de fiàrgiu in Crabònia a is 21.00, in is aposentus de su Teatru Tzentrali, e su 17 in Casteddu a is 23.30 in “Piccolo Auditorium”. Duus is ispetàculus emotzionantis impari a una de is dantzadoras de Falncu, Irene La Sentio, comenti protagonista. Sighi a ligi ‘In Sardigna duus atopus cun su Flamencu’