> 16 « mes’e fiàrgiu « 2012 « ilMinuto – notizie Mediterranee – edizione Sardegna

Archíviu de sa diri 16/02/2012

Ecunumia: sa Sardigna de su “Sole 24 ore” e s’Ísula chi sparafundat

Ascurta custa nova

(S’úrtima nova) – Casteddu, 16 de su mesi de fiàrgiu – Sa Sardigna impari a su Trentinu Artu Adige est sa regioni de su stadu itàlianu chi aguantat mellus a sa crisi. Aici una de is printzipalis agentzias de imprenta resumit is datus de su spricullitu fatu po su períudu 2007-2011 e publicau de su “Sole 24 ore”. S’Ísula est a metadi de classífica in su raportu de su Tzentru Istudius Síntesi: in acrescimentu su númeru de is brevetus, tenit unu primu postu fintzas in sa classífica de su gradu de obertura cumerciali e una medalla de prata in s’incrinu a s’esportatzioni. Datus, is úrtimus, chentza de duda acapiaus a su fatu ca ddoi est sa Saras de Sarròccu, s’arrafineria prus manna de su Mediterràneu. Ma sa Sardigna contàt de su “Sole” est difarenti de sa chi amostant is crònacas de sa crisi chi ligeus dógnia diri, cun su Surcis -comenti at scritu una pariga de diris fait S’”Espresso” – “provìntzia prus pobera” in assolutu. Sighi a ligi ‘Ecunumia: sa Sardigna de su “Sole 24 ore” e s’Ísula chi sparafundat’

Ecunumia: in Casteddu dibàtidu apitzus de sa crisi a is tempus de su Guvernu Monti cun Bottazzi e Steri

(IlMinuto) – Casteddu, 16 de su mesi de fiàrgiu – Cali funt is nexis e is isvilupus de sa crisi de s’ecunumia mondiali? A custa dimanda ant a provai a arrespundi su sociologu de s’ecunumia, Gianfranco Bottazzi, e su rapresentanti de Essi Comunistas, Bruno Steri, in d-unu dibàtidu aprontau de su círculu Prc Antonio Gramsci de Casteddu po cenàbara 24 de su mesi de fiàrgiu, a is 17.30. Sighi a ligi ‘Ecunumia: in Casteddu dibàtidu apitzus de sa crisi a is tempus de su Guvernu Monti cun Bottazzi e Steri’

Sardigna “capitali” de su Ping Pong: in su 2012 Mondialis giovanilis e Internatzionali veteranus

(IlMinuto) – Casteddu, 16 de su mesi de fiàrgiu – In su 2012 sa Sardigna at essi teatru de atopus mondialis po su ping pong. Custu sport at oberri su sipàriu in Casteddu, de su 31 de su mesi de martzu a su 6 de su mesi de arbili, cun is Giogus Mondialis de is Istudiantis, at essi  ’Osa imbecis a aghilliri is ispecialistas de su Ping Pong chi, ant a lompi de dógnia parti de su mundu e chi ant essi is protagonistas de sa primu editzioni de su Torneu Veteranus Internatzionali. A aprontai su torneu est sa sotziedadi ”Il Cancello” de S’Alighera, chi tenit intre is iscritus suus a Efisio Pisano. Est issu “S’imbenteri – si ligit in d-una nota de imprenta – de custa manifestada manna. Pisano no s’at a ocupai scéti de s’aspetu sportivu”. Sighi a ligi ‘Sardigna “capitali” de su Ping Pong: in su 2012 Mondialis giovanilis e Internatzionali veteranus’

Galsi: atopu cun “GASSINTEGRATO”

(IlMinuto) – Casteddu, 16 de su mesi de fiàrgiu – In Sardigna si sighit a fueddai de galsi. Est po custu merì a is 21.00 in Videolina s’atopu cun GASSINTEGRATO, Sa puntada chi sa Redatzioni de Monitor fait apitzus de sa colobra de aciàrxu. Sighi a ligi ‘Galsi: atopu cun “GASSINTEGRATO”’

Líburus: in Casteddu “L’inconfondibile tristezza della torta al limone”

(IlMinuto) – Casteddu, 16 de su mesi de fiàrgiu – «[…]

Ita tenis? Arrosa? Est sa crostada?

Tui t’intendis aici mabi, iu nau a s’arregiola de su pomentu.

Ita bolis nai? iat dimandau, tochendumì sa paba. Fueddas cun su pomentu? Ses narendu ancora a mei; Arrosa?

Ses aici trista innoi aintru, iu arrespoustu, est soba, e afamida, e trista…

Aintru aundi? iat pediu.

In sa truta, iat arremaciau, ispramendusì. Ita bolis nai, pitichedda?

Pitichedda no, iu nau, Pitichedda no prus. (Aimee Bender)

[…]»

Ariseru a merì, in is aposentus de sa libreria “Piazza repubblica libri”, is amantis de su ligimentu ant tentu s’ocasioni de tastai “L’inconfondibile tristezza della torta al limone”, unu romanzu chi no fait a ddu resisti in su cali s’autora Aimee Bender amesturat majia e cosas de dógnia diri. S’òpera est stétia presentada de Marco Cassini, editori de Minimum fax, e de Patrizio Zurru, libràju arrancadori de pàginis. Sighi a ligi ‘Líburus: in Casteddu “L’inconfondibile tristezza della torta al limone”’