> 2012 mes’e fiàrgiu 17 | ilMinuto

Archíviu de sa diri 17/02/2012

Candu s’Ortu imbucat in iscola. Su bandu Laore po is dominàrius didàticus

Ascurta custa nova

(S’úrtima nova) – Casteddu, 17 de su mesi de fiàrgiu – Acostai is giòvanus a papai is ortalitzias aradas cun is métodus de sa messarítzia biologica. Est cantu bolit fai su cuncursu “Ortu bio in is iscolas”. Su progetu de s’Agentzia regionali Laore cumbidat is dominàrius didàticus a propòniri intru su 27 de su mesi de fiàrgiu unu programa educativu chi previdat su cumprimentu de un’ortu iscolàsticu cun is ténnicas de sa messarítzia biologica. Ant essi finantziaus fintzas a 60 progetus. Dógnia proposta aprovada at a arriciri un’agiudu de milla eurus. “S’ortu – pretzisat una nota de s’Urp de sa Presidéntzia de sa Regioni – at a depi essi fatu in iscola o d-unu tretu chi no siat atesu meda de s’istitutu e chi depit tenni una mannària de 30 metrus cuadrus”. Sighi a ligi ‘Candu s’Ortu imbucat in iscola. Su bandu Laore po is dominàrius didàticus’

Sanidadi: 39 diris de ocupatzioni in difesa de s’Alivesi

(IlMinuto) – Casteddu, 17 de su mesi de fiàrgiu – Sighit sa lota de Sardigna Natzione indipendentzia in difesa de s’ispidali “Alivesi” de Itiri Cannedu. Lompit oi a 39 diris s’ocupatzioni de s’istrutura fata de unu grupu de militantis de s’organizatzioni indipendentista. Una batalla, sa mandada ainnantis de unu mesi e prus, po difendi is diritus a sa saludi prus elementaris.

“Su guvernu de bancheris aplicat sa ‘cura greca’. Sàbudu in Casteddu sit in de solidariedadi cun su pópulu grecu

(IlMinuto) – Casteddu, 17 de su mesi de fiàrgiu – Nai ca no a su guvernu de is bancheris e de is profesoris, difèndiri is diritus concuistaus, espressai solidariedadi a is traballadoris de sa Grecia in su mamentu prus incolliosu. Cun custus obietivus su “Cagliari social forum”, s’Usb/pensionaus e “Disarmiamoli”/Sardigna at aprontau po cras a mangianu a is 11.00 unu sit in in pratza Costitutzioni, in Casteddu. Po is aprontadoris su guvernu Monti apricat sa “mantessi” cura chi at portau s’ecunumia greca a sa destrossa. Sighi a ligi ‘“Su guvernu de bancheris aplicat sa ‘cura greca’. Sàbudu in Casteddu sit in de solidariedadi cun su pópulu grecu’

Presoni de Uda: 55 operàjus chentza de stipèndiu de su mesi de totussantus. Caligaris (Sdr): “Tocat a dd’acabai de dispintai”

(IlMinuto) – Casteddu, 17 de su mesi de fiàrgiu – “Tocat a oberri is ogus asuba de un’acontéssia chi est ponendi in cruxi a is operàjus e arriscat puru de mudai unu progetu, giài nàsciu mabi, in d-un’àteru isperdítziu de dinai públicu”. Est cantu narat Maria Grazia Caligaris, presidenti de s’Assótziu “Socialismo Diritti e Riforme”. 55 operàjus chi traballant in su fàbricu – amentat Caligaris – “no arricint su stipendiù de su mesi de totussantus passau”. Sighi a ligi ‘Presoni de Uda: 55 operàjus chentza de stipèndiu de su mesi de totussantus. Caligaris (Sdr): “Tocat a dd’acabai de dispintai”’

Wlad Elhara de Nazareth-Palestina oberrit sa X editzioni de s’Al-Ard Doc Film Festival

(IlMinuto) – Casteddu, 17 de su mesi de fiàrgiu – Est po su 2 de su mesi de martzu in Casteddu su concertu Hip Hop de su grupu Wlad Elhara de Nazareth-Palestina. Su concertu at a oberri sa X editzioni de s’”Al-Ard Doc Film Festival”, manifestada dedicada a su tzínema documentàriu palestinesu e arabu. In Casteddu, de su 7 a su 12 de su mesi de martzu, at essi s’Assótziu “Amicizia Sardegna-Palestina”, in is aposentus de su teatru Nanny Loi, a presentai a su públicu unu programma culturali internatzionali. Su festival – si ligit in sa pàgini ufitziali de s’assótziu – “at a biri in cuncursu is documentàrius fatus a úrtimu e chi funt intre is prus importantis de su circùitu internatzionali, films chi fueddant de usàntzias, costumus, traditzionis, istória, política, religioni e sotziedadi de sa Palestina e de su mundu arabu”. Sighi a ligi ‘Wlad Elhara de Nazareth-Palestina oberrit sa X editzioni de s’Al-Ard Doc Film Festival’