> 2012 mes’e fiàrgiu 20 | ilMinuto

Archíviu de sa diri 20/02/2012

Tzerachia Militari: in arribu 12 milionis 794milla eurus de indennitzus

Ascurta custa nova

(S’úrtima nova) – Casteddu, 20 de su mesi de fiàrgiu – De su Stadu italianu arribant 12 milionis 794milla eurus de indennitzus po is tzerachias militaris. Ma cantu balit sa vida de una personi? E unu territóriu addagnau in modu grai de is esercitatzionis militaris ita balimentu tenit? Sa nova asuba de is indennitzus in faori de is regionis carrigadas de is avincus militaris est stétia annuntziada cida passada de su Presidenti de sa Regioni Sardigna Ugu Cappellacci a sa fini de su vertici romanu cun su Ministru de sa Difesa Giuannipaolu Di Paola. Is agiudus in arribu funt distinaus a su fàbricu de òperas públicas e de serbítzius sotzialis in is comunus chi funt stétius tocaus de prus de is abisóngius militaris. Sighi a ligi ‘Tzerachia Militari: in arribu 12 milionis 794milla eurus de indennitzus’

Sa língua sarda cun “Su Sardu Jocande”

(IlMinuto) – Casteddu, 20 de su mesi de fiàrgiu – S’Assessorau a sa Pública Istrutzioni, Beni Culturalis, Informatzioni, Ispetàculu promovit sa língua sarda atressu de unu giogu online po pipius intitulau “Su Sardu Jocande“. Su progetu, firmau de Maria Teresa Pinna Catte, est unu viàgiu de 20 unidadis po imparai sa língua sarda. Aintru de dógnia unidadi s’agatant iscenas de gioghistas, fumetus e ischedas de cumprendóniu e arrexonu asuba de sa língua. Sighi a ligi ‘Sa língua sarda cun “Su Sardu Jocande”’

Presoni de Uda: de oi 55 operàjus in assembrea fissa

(IlMinuto) – Casteddu, 20 de su mesi de fiàrgiu – Assembrea fissa de custu mangianu po 55 operàjus de sa sotziedadi “Opere Pubbliche” impinniaus in su fàbricu de su presoni de Uda e in abetu de su stipéndiu de 3 mesis e mesu. “Est una situatzioni intolleràbili. Is traballadoris – comentat su segrtàriu, Chicco Cordeddu – funt fadiaus e sa protesta no s’at a frimai fintzas a candu no ant a benni arrespetaus is impinnius pigaus”. Prumissa de impennius annoada in s’atóbiu chi s’est tentu in is aposentus de sa Provìntzia de Casteddu intre s’assessori de su Traballu Lorena Cordeddu e is rapresentantis de sa sotziedadi, chi ant assegurau ca intru su 23 de su mesi de fiàrgiu ant a pagai is stipéndius a is traballadoris. Sighi a ligi ‘Presoni de Uda: de oi 55 operàjus in assembrea fissa’

(Italiano) Documento: “Lettera aperta al Presidente Napolitano con la richiesta di RATIFICA della carta europea delle lingue, non solo parole”

Custu artìculu s\\\\\\\’agatat sceti in %LANG:

Avenimentus: “Casteddu 1938-1943. De sa mamória a su romanzu”

(IlMinuto) – Casteddu, 20 de su mesi de fiàrgiu – Est po mérculis 22 de su mesi de fiàrgiu a is 18.30, in is aposentus de su Teatru Cívicu in Casteddu ‘e susu, s’atopu cun “Casteddu 1938-1943. De sa mamória a su romanzu”. Sighi a ligi ‘Avenimentus: “Casteddu 1938-1943. De sa mamória a su romanzu”’