> 23 « mes’e fiàrgiu « 2012 « ilMinuto – notizie Mediterranee – edizione Sardegna

Archíviu de sa diri 23/02/2012

In S’Ulumedu su sport donat unu càrcini a is pregiuditzius

Ascurta custa nova

(S’úrtima nova) – Casteddu 23 de su mesi de fiàrgiu – Su sport infundit fidútzia in is sugetus difítzilis e permitit de mellorai e svilupai abilidadi, atentzioni e concentratzioni, svilupat s’atuamentu de sei atressu de sa pigada de cuscéntzia de sa própriu màgini. Tuchendi de custa cunvintzioni, a pustis de s’esperimentu de s’annu passau, andau beni meda, est torrau a tucai domínigu 19 de su mesi de fiàrgiu in su Campu Comunali de S’Ulumedu “Unu càrcini a is …pregiuditzius”, campionau de càlciu a 5 po utentis, operadoris de is Dipartimentus de Saludi Mentali de sa Sardigna aprontau de sa Lega Càlciu Regionali Uisp. Obietivu de sa manifestada est de si podi espressai chentza de si imprènniri e diventai fiamenti protagonistas cun su sport. A pustis de S’Ulumedu, sa gara s’at a frimai in Crabònia, Casteddu, Aristanis, S’Alighera, aundi, de su 28 de su mesi de arbili a su 1 de su mesi de maju de su 2012, s’at a tenni sa manifestada natzionali “Macus po su sport 2012″, chi s’at a serrai in Lanusè. Sighi a ligi ‘In S’Ulumedu su sport donat unu càrcini a is pregiuditzius’

Língua sarda: sceberu po operadori de portellitu linguìsticu

(IlMinuto) – Casteddu, 23 de su mesi de fiàrgiu – Mancant pagu diris po presentai sa dimanda po pigai parti a su sceberu públicu po títulus i esàminis po su cuferimentu de 2 incàrrigus de traballu professionali po operatoris de portellitu linguìsticu in língua sarda. Su portellitu at essi cundivìdiu de is comunus de Piàghe, Carzèghe. Codronzànus, Uri, Usìni. At essi s’istitutu Camillo Bellieni a fai su sceberu po is duus incàrrigus de 9 mesis. Sighi a ligi ‘Língua sarda: sceberu po operadori de portellitu linguìsticu’

De Montelupo Fiorentino s’apellu acoradu de unu piciocu sardu

(IlMinuto) – Casteddu, 23 de su mesi de fiàrgiu – “Seu stracu de totu, pedu agiudu po essi salvau de custu iferru”. Est custu s’apellu chi un’ómini de 34 annus, C.P. de Ceraxus, at imbiau a s’assótziu “Socialismo Diritti Riforme”. S’ómini, malàdiu de “schizofrenia”, s’agatat internau, po mori de unus cantu de fatus de intolleràntzia chi tempus fait ddu ant biu protagonista, in s’ispidali Psichiàtricu de Montelupo Fiorentino, a esecutzioni de unu Pregoni de su Tribunali de Castiamentu de Tàtari. ”C. P., mancai sa graesa de sa maladia e sa perigulosidadi sotziali degenerada in fatus e molestia e intolleràntzia – narat sa presidenti de SDR – no podit abarrai a Montelupo Fiorentino”. Sighi a ligi ‘De Montelupo Fiorentino s’apellu acoradu de unu piciocu sardu’

Avenimentus: in Casteddu “Tzicus de Binu… Càlixis de Cultura”

(IlMinuto) – Casteddu, 23 de su mesi de fiàrgu – S’assótziu Eureka Enterprise aprontat po cenàbara 24 de su mesi de fiàrgiu a is 21.00 una scampirrada a su noti in is suterràneus de su Ghetu de is Ebreus de Casteddu chi s’intulat “Tzicus de Binu… Càlixis de Cultura”: oramai un’atopu semaneri s’iscoberta de is tretus suterràneus de sa tzitadi bianca e de is binus isulanus. Su progetu culturali previdit difatis puru s’atastu de unu tipu de binu. Sighi a ligi ‘Avenimentus: in Casteddu “Tzicus de Binu… Càlixis de Cultura”’