Pubblicau su 24/02/2012 a is
15:19 in Ecunumia | 2 cummentus
Argumentus:
Ascurta custa nova
(S’úrtima nova) – Casteddu, 24 de su mesi de fiàrgiu – Ita est sa papa reali? Est sa sustàntzia prus arrica in natura de àcidu ‘Pantotenico’, un’àcidu chi s’agatat in is tzéllulas de is músculus, de su cerbeddu, de su figau e de is arrigus. Sa papa reali si presentat comenti una geladina e benit cunsiderada comenti unu de is alimentus naturalis chi funt fonti de saludi. Cali acapiu tenit custu elisir de vida cun sa Sardigna? S’arraspusta lompit de unu studiu de s’Universidadi de Tàtari chi cumproat ca sa papa reali fata in s’Ísula, gràtzias a is carateristicas chímicas e físicas acapiadas a su territóriu, tenit elementus chi dda faint única in su mundu. Mancai aici sa Sardigna produsit de is 50 a is 100 chilus de papa reali, una produtzioni dexi bortas prus pitica de sa dimanda de su mercau. Is datus funt bessius a pillu cenàbara passau in d-un’atóbiu aprontau de Opas Terrantiga e de su Copait Cunsórtziu Papa Reali Italianu. Sighi a ligi ‘Ecunumia: sa papa reali sarda unu primori in su mundu’
(IlMinuto) – Casteddu, 24 de su mesi de fiàrgiu – “No iat a bolli ca cun s’arreghescia de is presonis nous si fessat tentendi de fai de sa Sardigna una Caienna noa de s’Itàlia”. Fueddu de Mauro Pili, deputau de su Pdl chi denuntziat in is pàginis de “La Nuova Sardegna” unu pranu cuau de su Ministeru: su trasferimentu intru de s’annu de 2000 presoneris e prus de is presonis italianus a cussus sardus, bécius e nous. Si fessat aici , difatis, no iant a bastai is istruturas penitentziàrias noas fabricadas in Sardigna (Tèmpiu , Aristanis, Tàtari, Casteddu) po acasagiai is presoneris chi giai ddoi funt e is presoneris in apróliu, cun s’arriscu ca is bécias iant a abarrai obertas cun sa genti a stibu chi no at torrai a prus pagu. Su trasferimentu de pagu diris fait de 100 presoneris lompius de sa penísula in Sardigna parrit cunfirmai s’idea ca su Pranu Istraordinàriu Presonis cunfirmit s’istóricu rolu de sa Sardigna comenti “presoni naturali” po mori de s’”insularità”, e ddi donit su nou de vàlvula de sfogu de sa cunditzionis mala meda de is presonis. Sighi a ligi ‘Presonis: “Sardigna: Caienna de s’Itàlia”’
Pubblicau su 24/02/2012 a is
12:19 in Ambienti, Política | 0 cummentus
Argumentus:
(IlMinuto) – Casteddu, 24 de su mesi de fiàrgiu – S’istitutzioni de unu parcu ispàniu aintru de su coddu de Tuvixeddu, cun s’agiudu económicu de 90 milionis de eurus in tre annus. Est cantu previdit sa proposta de lei presentada in Consillu regionali de (Sel) e de rapresentantis de Pd e Idv. De su documentu fueddat cun d-una nota su Grupu de Interventu Giurídicu. “Fadendu un’esamu lestru – si ligit in su giassu de su Gig – s’iscopu est positivu (fai su parcu de Tuvixeddu), ma ddoi funt elementus de dúbius mannus. Ita abisóngiu ddoi at de istituiri un”enti parcu’, un ‘comitau diretivu’ e unu ‘comitau issentíficu’, e previdiri sa figura de unu ‘diretori? Sighi a ligi ‘Tuvixeddu. Uras (Sel): “Una lei po su parcu”. Is dúbius de su Gig: “Bolint agatai traballu a calencunu?”’
(IlMinuto) – Casteddu, 24 de su mesi de fiàrgiu – S’istrobu fatu a is istudiantis de su pagamentu online de is tassas universitàrias lompit in Consillu Regionali. Est de su 20 de su mesi de fiàrgiu passau difatis, s’interrogatzioni cun dimanda de arraspusta iscrita, de su Consilleri regionali Indipendentistas Claudia Zuncheddu. S’Universidadi de is Istudius de Casteddu, difatis, po su pagamentu online de is tassas universitàrias, giai caras, sceberandi su Bancu de Sardigna comenti istitutu de coberàntza diventat “complici” de sa sbussadura de su 2 po centu in prus de sa cifra de pagai, su motivu est sa comissioni bacària. Una comissioni cara meda si castiaus a is 2 eurus spendius po is pagamentusa fatus in su portellitu o po cussu fatus a mesu bancomat. Sighi a ligi ‘Universidadi. Zuncheddu (Indipendentistas): “Tassas online foras de contu po is istudiantis sardus”’
Pubblicau su 24/02/2012 a is
08:47 in Cultura | 0 cummentus
Argumentus: Sardigna
(IlMinuto) – Casteddu, 24 de su mesi de fiàrgiu - “Tessint filus
de ànima indoraus
de su druci bíddigu insoru
isd féminas
setzias ingíriu,
amentendi
cantus antigus (Valeria Aliberti, Il bisso di Pandora)
Cun sa diretzioni artística de Livia Lepri, at a andai in iscena sàbudu 25 de su mesi de fiàrgiu a is 20.30, in is aposentus de su Palatzu de tzitadi de Tàtàri ”Su Balimentu de is nàscidas”. Unu traballu nàsciu de su Lizeu tataresu Margherita de Castelvì, s’Assótziu Danza Estemporada e Chiara Vigo, sa Maista de “bisso”. Sighi a ligi ‘Ispetàculus: in iscena in Tàtari “Su Balimentu de is nàscidas”’
Pubblicau su 24/02/2012 a is
08:12 in Cultura | 0 cummentus
Argumentus: bandi, cuncursus
(IlMinuto) – Casteddu, 24 de su mesi de fiàrgiu – Tucat sa primu editzioni de su prémiu “Nino Carrus”. Ant a podi pigai parti a su cuncursu, dedicau a s’istóricu rapresentanti de sa Dc in Sardigna, is giòvanus laureaus chi no apant fatu 35 annus e chi ant scritu unu sàgiu o in d- un’artículu inéditu is arrasutaus de is circas insoru o de is progetus de circa chi cumproant de tenni una possibilidadi bera de cumprimentu. Is propostas presentadas ant a tenni comenti tema is prospetivas de isvilupu in sa Cultura, in s’Ecunumia, in sa Governance e in s’Innovatzioni de s’internu de sa Sardigna. Su prémiu – acrarant is aprontadoris de s’assótziu ”Nino Carrus” bolit essi “un’agiudu a s’isvilupu sotziu-económicu de sa Sardigna Tzentrali e de is areas disvantagiadas de s’Ísula”. Sighi a ligi ‘Cuncursus: dedicada a is under sa primu editzioni de su prémiu “Nino Carrus”’
(S’úrtima nova) – Casteddu, 24 de su mesi de fiàrgiu – Ita est sa papa reali? Est sa sustàntzia prus arrica in natura de àcidu ‘Pantotenico’, un’àcidu chi s’agatat in is tzéllulas de is músculus, de su cerbeddu, de su figau e de is arrigus. Sa papa reali si presentat comenti una geladina e benit cunsiderada comenti unu de is alimentus naturalis chi funt fonti de saludi. Cali acapiu tenit custu elisir de vida cun sa Sardigna? S’arraspusta lompit de unu studiu de s’Universidadi de Tàtari chi cumproat ca sa papa reali fata in s’Ísula, gràtzias a is carateristicas chímicas e físicas acapiadas a su territóriu, tenit elementus chi dda faint única in su mundu. Mancai aici sa Sardigna produsit de is 50 a is 100 chilus de papa reali, una produtzioni dexi bortas prus pitica de sa dimanda de su mercau. Is datus funt bessius a pillu cenàbara passau in d-un’atóbiu aprontau de Opas Terrantiga e de su Copait Cunsórtziu Papa Reali Italianu. Sighi a ligi ‘Ecunumia: sa papa reali sarda unu primori in su mundu’
