> 27 « mes’e fiàrgiu « 2012 « ilMinuto – notizie Mediterranee – edizione Sardegna

Archíviu de sa diri 27/02/2012

Sanidadi: Sardigna ísula acatosa e de coru bonu

Ascurta custa nova

(S’úrtima nova) – Casteddu, 27 de su mesi de fiàrgiu – Puru in su 2011 sa Sardigna donat cunfirma de essi un’ísula acatosa e de coru bonu po sa donatzioni de is òrganus. Ddu testimoniant is datus fatus connosci, su 17 de su mesi de fiàrgiu passau, de su Tzentru regionali trapiantus, de s’assessori regionali a sa Sanidadi Simona De Francisci, de su diretori de s’istrutura Carlu Carcassi, de sa dirigéntzia de su Brotzu de Casteddu e de is verticis de s’Asl 8. Sa Sardigna, difatis, est a su terzu postu in sa graduatória italiana po su númeru de donadoris impitaus, mentris est a su primu postu intre is regionis de s’organizatzioni Ocst de su tzentru-sud de sa penísula (Abrutzu, Basilicata, Campania, Calabria, Laziu, Puglia e Sicilia). Cali funt is númerus in chistioni? De is repartus de ravivamentu de su territóriu sardu, registraus po s’atividadi de donatzioni de òrganus, funt stétias fatas 62 signalatzionis e 34 funt is donatzionis impitadas. In Sardigna funt stétius fatus 58 trapiantus de arrigu, 10 trapiantus de coru e 26 de figau, po unu totali de 96 òrganus donaus e trapiantaus. Sighi a ligi ‘Sanidadi: Sardigna ísula acatosa e de coru bonu’

Presoni se Uda: unu passu a innantis in sa contienda de is traballadoris

(IlMinuto) – Casteddu, 27 de su mesi de fiàrgiu – Parrit lompi a sa fini, sa contienda de is 5 traballadoris impegnaus in su fàbricu de su Presoni de Uda e de tres mesis e mesu chentza de stipèndiu. At essi, difatis, su ministeru, tempus 15 diris, a si fai càrrigu de su pagamentu de is stipèndius. Est cantu est stétiu determinau, cida passada, agoa de s’atóbiu chi s’est tentu in is aposentus de sa Provìntzia, intre s’assessori a su Traballu, is sindacaus de categoria e su dirigenti de su Proveditorau a is Infrastuturas de su ministeru. Sighi a ligi ‘Presoni se Uda: unu passu a innantis in sa contienda de is traballadoris’

Milla giòvanus sardus po “Youth All Together on Board”

(IlMinuto) – Casteddu, 27 de su mesi de fiàrgiu – S’at a tenni cras a cumentzai de is 10.00, in su Tzentru Cungressus de sa Fiera de Casteddu, sa manifestada po sa fini de su Progetu “Youth All Together on Board – sensibilitzaus, informaus e formaus a is Giòvanus Sardus”, aprontada de TDM 2000. Ant a pigai parti a sa cosa milla giòvanus chi ant a lompi de totu sa Sardigna. Tema de s’atóbiu is “Políticas Giovanilis”. Agoa de is saludus de su Ministru de sa Coperatzioni Internatzionali e de s’Integratzioni Andrea Riccardi, chi at a oberri is traballus, in su dibàtidu ant a fueddai su Diretori Generali de s’agentzia Natzionali po is Giòvanus Paolo di Caro e unus cantu de digentisde is istitutzionis de su territóriu sardu po is Políticas Giovanilis. Sighi a ligi ‘Milla giòvanus sardus po “Youth All Together on Board”’

Traballu: Comunu Casteddu cicat operàjus, geòmetru e ragionieris. Adesionis intru cras

(IlMinuto) – Casteddu, 27 de su mesi de fiàrgiu – Su Comunu de Casteddu sceberat duus operàjus cun cualífica, unu geòmetru o piritu edili e unu ragionieri. Is adesionis a sa dimanda de traballu podint essi presentadas de is 8.30 a is 11.30 intru cras 28 de su mesi de fiàrgiu in sa domu de su Tzentru serbítzius po su Traballu de bia Calamattia, in Casteddu. Sighi a ligi ‘Traballu: Comunu Casteddu cicat operàjus, geòmetru e ragionieris. Adesionis intru cras’

“Líburus mannus po ligidoris pitius”: sa Provìntzia de Casteddu promovit a su ligimentu po is prus giòvanus

(IlMinuto) – Casteddu, 27 de su mesi de fiàrgiu – Una fibera de atopus po bibliotecàrius, maistus e po totu is chi promovint su ligimentu po pipius e piciocus. Est su progetu culturali “Líburus mannus po ligidoris pitius” promòviu de sa Provìntzia de Casteddu e cumentzau su 22 de su mesi de fiàrgiu in is aposentus de sa Biblioteca Provìntziali Piciocus, in bia Cadello 9/b in Casteddu. Sighi a ligi ‘“Líburus mannus po ligidoris pitius”: sa Provìntzia de Casteddu promovit a su ligimentu po is prus giòvanus’