> 2012 mes’e fiàrgiu 28 | ilMinuto

Archíviu de sa diri 28/02/2012

Candu su Stadu “no respetat sa lei”. In Casteddu e in Igrèsias is presonis isciopant

Ascurta custa nova

(S’úrtima nova) – Casteddu 28 de su mesi de fiàrgiu – In su presoni de Casteddu de mesi in mesi is contus andant de mali in peus. Si difatis a sa fini de su 2011 in Buoncaminu is presoneris furiant 187 in prus a petus de is postus letu, a sa fini de su mesi de gennàrgiu de su 2012 is personis inserradas in su presoni casteddaiu funt arribas a essi 204. A fai connosci is datus de s’aministratzioni est, comenti sèmpiri, s’assótziu Sotzialismu Diritus e Reformas. “Su presoni de Buoncaminu – si ligit in d-una nota de Sdr – no est a solu in custa classífica mala. A su costau ddoi est su de Igrèsias cun 50 presoneris in prus de is prevìdius de su regulamentu”. Is istitutzionis funt duncas meda atesu de respetai sa capacidadi regulamentari in presonis de importu mannu comenti su de Casteddu – chi arretzetat 549 presoneris in totu – e Igrèsias, innoi ddoi funt inserradas 112 personis. Sighi a ligi ‘Candu su Stadu “no respetat sa lei”. In Casteddu e in Igrèsias is presonis isciopant’

Arrestaus cumponentis comitau “S’Arriedu po Narabuja”. ProgReS “solidariedadi a is duus tzitadinus”

(IlMinuto) – Casteddu, 28 de su mesi de fiàrgiu – Si lamat “EnerVitaBio”, benit de Ravenna e s’incarrerat a ponni 30 ètaru e prus de serras “fotovoltaiche” po unu tretu de unu milioni de metrus cuadraus de terra in localidadi S’Arrieddu in Narabuja. Sa genti de sa bidda in Provìntzia de Aristanis s’oponit a su cantieri de su Parcu ”fotovoltaico” chi sa sotziedadi EnerVitaBio bolit acabai intru sa fini de s’annu a pagu centinas de metrus de is domus de Narabuja. Su pichetu de su comitau populari contra a su progetu de custu campu “fotovoltaico” smesurau est acabau lúnis a mangianu cun duus arrestus, su de Nello Schirru, presidenti de su comitau “S’Arriedu po Narabuja”, e su de su fillu Alessandro. Apitzus de s’afari “fotovoltaico” fueddat puru Progetu Repùblica Aristanis. “ProgReS – si ligit in d-una nota de imprenta – no est contra a s’energia pulia e no est nimancu contra a su ‘fotovoltaico [...]‘. Creeus imbecis ca, [...] potzant essi una resossa manna po su tempus benidori de is Sardus e de sa Sardigna. Sighi a ligi ‘Arrestaus cumponentis comitau “S’Arriedu po Narabuja”. ProgReS “solidariedadi a is duus tzitadinus”’

Bandus: tucant 24 amaistramentus in sa Provìntzia de su Campidanu de Mesu

(IlMinuto) – Casteddu, 28 de su mesi de fiàrgiu – S’Assessorau a is Políticas e Serbítzius po su Traballu de sa Provìntzia de su Campidanu de Mesu bandit 24 Amaistramentus Formativus e de Orientamentu po is dipromaus e laureaus nous. Sa proposta est fata in su circùitu de su dinai prevìdiu po is interventus de política ativa direta a donai oportunidadis de isvilupu e de amanniamentu po is giòvanus chi funt residentis in su territóriu provintziali. Sighi a ligi ‘Bandus: tucant 24 amaistramentus in sa Provìntzia de su Campidanu de Mesu’

Sanidadi. Meloni (Css): “S’Alivesi de Itiri Cannedu est salvu”

(IlMinuto) – Casteddu, 28 de su mesi de fiàrgiu – Primus arrisurtaus de sa batalla de su pichetu in difesa de s’Alivesi mandau a innantis de is militantis de Sardigna Natzione Indipendentzia e de sa Css. Confederatzioni Sindacali Sarda e oi lompiu a fai 50 diris. Agoa de un’atopu chi s’est tentu in is diris passadas intre una delegatzioni de is ocupantis, e su diretori generali de sa Asl1 de Tàtari, Marcello Giannico, “Benit cunfirmau – scririt su segretàriu de sa Confederatzioni sindacali sarda Giacomo Meloni, – su repartu de ‘Lungodegenza’ giai ativu de diversus annus e netzessàriu comenti serbítziu po sa comunidadi de Itiri Cannedu e po su territóriu. Sighi a ligi ‘Sanidadi. Meloni (Css): “S’Alivesi de Itiri Cannedu est salvu”’

Avenimentus: in Tzorfolìu sa XV editzioni de sa Sagra de is agrùminis

(IlMinuto) – Casteddu, 28 de su mesi de fiàrgiu – S’at a tenni de su 3 a su 4 de su mesi de martzu sa XV editzioni de sa Sagra de is agrùminis de Tzorfolìu. Is de Tzorfolìu ant essi duas diris arricas de atopus. Mostras, baddus, artesanau e saboris de Sardigna ant a allirgai, difatis, sa festa, puru si su rei beru de sa Sagra de is agrùminis at essi comenti sèmpiri su gustu. Is saboris, perou, no ant essi scéti is de is agrùminis. Domínigu 4 de su mesi de martzu a is 13.30 est prevìdiu difatis s’amanitzu, aprontau de sa Pro Loco de sa bidda, de unu logu de restoru aundi s’ant a agatai pitàntzias de sa coxina de su logu fatas cun faa, cíxiri, croxolu e petza de procu. Sighi a ligi ‘Avenimentus: in Tzorfolìu sa XV editzioni de sa Sagra de is agrùminis’